Vawiin khan Indian Chamber of Commerce bultumin Mumbai-ah ‘Mizoram Calling’ tih thupui hmangin Business Summit leh Roadshow buatsaih a ni a. Maharashtra leh Mizoram official-te bakah India ram hmun hrang hrang atanga sumdawng lian leh kuthnathawktu pawl hotu te an tel a, Governor Lt. Gen. Nirbhay Sharma PVSM, UYSM, AVSM, VSM (Retd.) pawhin keynote address a pe a ni.

He hunah hian Mizorama tourism, agriculture leh horticulture te tihmasawn tura investment siam dan tur sawiho a ni a. Pu Biakthanmawia Pautu, Tourism Director leh Dr.  Robert Lalrinsanga, Horticulture Development Officer te’n Mizoram aiawhin presentation an pe a ni. Maharashtra sawrkar atanga presentation pawh thlirho a ni.  

Maharashtra sawrkara mi pawimawh tak tak ten thusawina an nei a. Pi Sharmila Banerjee, Head, West India Office, Indian Chamber of Commerce chuan lawmthu sawiin he hun hi a khar a. B2B Interaction on Maharashtra-Mizoram Business Cooperation-in a chhunzawm nghal a ni.