Vawiin khan I & PR Conference Hall-ah MJA member-te leh I & PR Department hotuten kumthar thingpui in hona an nei.

He hun hi I & PR Director, Pu Jim K. Chozah chuan kaihruaiin, Pathian hruaina changa kumthar an chuangkai leh ta chu lawmawm a tih thu sawiin, MJA leh I & PR Department-in thawhhona tha tak an neih thin chu chhawm nun reng a nih theih nan, thinlung inpawh tlang taka tan ho a tul thu a sawi a. An that tlanna tur leh mipuite tana an thawhhona kawngah thurawn pe thin turin a ngen bawk.

MJA Gen. Hqrs. President, Pu C. Lalrambuatsaiha chuan I & PR Department-in pa ber chan changa, he hun an buatsaih chu lawmawm a tih thu leh inkungkaihna tha an neih zel a beisei thu a sawi bawk.

He hunah hian I & PR Department leh chanchinbumite inkarah thawhhona tha a awm zel theih nan leh inkungkaihna awlsam zawk a awm theihnan, rawtna bakah kumin chhunga an hmachhawpte huam zau taka sawiho na hun an hmang bawk.