National Voter’s Day vawi 4 na ah hian ramchhung hmun tina vote nei zawng zawng leh a bikin tuntuma vote nei tharte lawmpuina ka hlan a. Vote nei thei tur chin tling tharte hnenah duhsakna ka hlan a ni. National Voters Day hi ram Danpuiin dikna leh chanvo a pek anga kumtling chinin vote hlu tak an neih theih nana serh a ni a, inziak lut ve lo te chuan vote an thlak theih loh avangin he ni pawimawh takah hian ram khua leh tui zawng zawngte chu vote nei thei tura inziak lut vat thin turin ka sawm a ni.

He ni hi Danpui duang tuten ram mipui hnena Election Commission of India an din ni a ni bawk a, Commission chu India mipui zawng zawngte hnena inthlanna fel leh fai, zalen leh rintlak neih tir tura mawhphurhna pek a ni a. Mipui rorelna a taka chantir tur chuan inthlanna ah a tam thei ang berin tha an thawh a tul a ni.

Tunah hian khawvel puma inthlanna a tel thei tam ber kan ni mek a. Kumtling tawh phawt vote neih tir hi kan tum ber niin chungte chuan anmahni duhthlanna ngeia vote an thlak theuh hi kan tum a ni. Hei bakah hian inthlanna reng renga mipuite tih tur chu inhriattir zau a tul a, mipui rorelna thianghlim tak din nan thil tih makmawh a ni.

Vawiina kan thutiam lak tur pawh hi keimahni, kan ram leh mipui rorel na democracy atan a ni National Voters Day ah hian ramchhung mitinte hnenah duhsakna ka hlan nawn leh e.