Mizoram Judicial Service trainee-te chuan vawiin tlai khan Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) chu Raj Bhavan-ah hmuin inkawmna an nei a ni.

Governor Lt. Gen. Nirbhay Sharma chuan MJS training mekte chu ram nghahfak an nih thu sawiin, dinhmun pawimawh tak an chelh a ti a. Judiciary chu democracy inghahna banpui a nih avangin mite zahkai leh rinngam an nih a pawimawh a ni, a ti. Ukil hna chu dikna tundin a nih angin huaisen taka a sawhkhawk lo thleng tur pawh ngaihtuah lova rorel ngam turin a chah a. Mipuite a remchan dan ang zela Dan leh Hrai hrilha zirtir zel turin a chah bawk a ni.

He hunah hian inhmelhriattirna hun hman a ni a. Training chhunga an thil zir tawh te leh an hmabakte tarlan nghal a ni. MJS Trainee-te hi Pu Joel Joseph Denga, District and Sessions Judge leh Pi Lalrochami Ralte, Senior Civil Judge ten an tawiawm a ni.