Election Commission of India chuan October 21, 2015 khan 12-Aizawl North III Assembly Constituency bikah Bye-Election a lo puan tawh avangin Model Code of Conduct pawh hemi ni atang hian hman tan nghal tur a ni. ECI chuan Bye Election neih ni tur atan hian 21st November, 2015 (Inrinni) a ruat a ni.

ECI chuan MLA bye-election Aizawl North III puan anih avangin inthlan puan ni ni 21.10.2015 atang khan Model Code of Conduct chu hman tan nghal a ni a, mahse ni 26.4.2012 a thuchhuak angin MGNREGA, MPLAD, MLALAD, MLCLAD Scheme hnuaia project, programme, financial grant leh a dangte bakah tuilian, khawkheng, chhiatrupna a lo thlena tanpuina, tui in tur thianghlim pek, bore-well laih hna, fodder, farmer-te tana tanpuina pek, defacement of property, campaign-na atana sawrkar thil hman etc. ah hian bye-election neihna tur Assembly Constituency bik chauh a huam a. Minister tour, vehicle, advertisement, sawrkar guest house hman leh thil dangah chuan constituency bik chauh ni lovin inthlanna neihna tur Aizawl District pumpui a huam thung ang.