AH&Vety Minister C.Ngunlianchunga chuan Inbro Poultry Hatchery Farm, Tanhril leh Ranchaw siamna hmun Ramrikawn te chu a tlawh a; hmalak mekte enin, thawktute'n mamawh an lo thlente a ngaithla a, chak zawka hmalak dan tur an sawiho a ni.
C.Ngunlianchunga chuan, Inbro Poultry Hatchery Farm chu mizoram-in a hlawkpui ngei theih nan hmalak zel a nih thu sawiin,ar note leh artui ah intodelh a ram pawna thawn chhuak thei tur khawpin Inbro Poultry Hatchery Farm chu hman tangkai an tum thu a sawi a.Mizorama la awm ngai lo leh North east-a awm chhun Artificial Insemination (AI) hmanga in thlahpawlh theihna te a awm chu hmasawnna ropui tak a nih thu a sawi a ni.
Inbro Poultry Hatchery Farm, Tanhril hi Animal Husbandry and Veterinary Department, Government of Mizoram leh INBRO Research & Breeding Farm Pvt. Ltd., Hyderabad, AndraPradesh te tangkawpin NABARD leh RKVY sum hmanga an din a ni a, he hatchery farm hi 19th May 2015 khan A.H. & Vety Minister hian a lo hawng tawh a ni.
He Poultry Hatchery Farm hi tunlai thiamna changkang ber hmanga thuam a ni in Cage system leh automatic drinker te hman a ni a, Mizoram atan a vawikhat nan Artificial Insemination (AI) hmanga in thlahpawlh tir tur an ni a, he Hatchery Farm hi North East ah hetiang thiamna hmang awm chhun a la ni. Tunah hian ar chi hnih INBRO Brown Layer leh Rainbow Rooster Parent Stock te vulh mek niin, tunah hian Ar 2880 vulh mek a ni a, heng ar te hi May thla khan Hyderabad atangin Aizawl an lo thlenga, October thla tir atanga tui tanin tunah hian nikhatah a tlangpuiin artui 900 atanga 1200 vel an thar chhuak tawh a ni.
Indbro Brown Layer hi ar tui tam chi thla 4-5 atanga tui tan thei , kum khata 300 tui thei an ni a, he INDBRO Brown Layer Parent Stock te atang hian Commercial Stock te siam an ni dawn a ni. Tun ah hian Artificial Insemination (AI) pawh ti tan tawhin November thla tawp lamah chuan awp (Incubate)tir tan theih beisei a ni. He Farm atanga Artui tharchhuah te hi vawiin Dt 28-10-2015(Nilai ni) hian Govt.Secretariat building kawtah aduh apiang te leitheih tur in zawrhchhuah a ni.
Nimin vek khan A.H. & Vety Minister hian Ranchaw siamna hmun Ramrikawn a mi pawh tlawh in he Feed Mill tih lenna tur a tan a construction tih mek leh Bawng chaw hnimhnah dahthat na tur project kalpui dan a enfiah bawk.
