Election Commission of India-in kaihhruaina a duan angin 12-Aizawl North III (ST) A.C., 2015 bye election neih tur atan Candidate leh Political Party ten thuthar theh darhna hmanga an inzawrhna vil turin Media Certification and Monitoring Committee (MCMC) din a ni a, member te chu Chairman Dr Franklin Laltinkhuma, DC/DEO, Aizawl District, Member Secretary Pu F.Lalfakzuala, IPRO, Members - Pu Lalchungnunga, R.O. / Addl. D.C., Aizawl, Pu K.Lalrohlua, ARO/DLAO, Aizawl, Pu Mangjangam Touthang, IIS, Dy. Director (M&C), PIB leh Pu Sangzuala Hmar, General Secretary, MJA te an ni. Vawiin khan Chairman Dr Franklin Laltinkhuma hovin ama office chamber ah an thukhawm a, ECI-in mawhphurhna a pek anga hmalak dan tur leh tul hrang hrang te an sawiho. ECI thuchhuah angin inthlanna neih turah hian electronic media - cable tv, radio, bulk SMS hmanga campaign/inzawrhna te chu tihchhuah hmain MCMC ah prescribed form hmangin certification ti tura thehluh phawt tur a ni a, print media chanchinbu lama inzawrhna chu pre-certification tih a ngai lo a, a thu erawh model code of conduct bawhchhe zawnga ziah awih a ni lo a ni.

Inthlanna atana candidate / political party te sum senso vil turin Expenditure Monitoring Team hrang hrang - Flying Squad, Static Surveillance, Video Surveillance, Video Viewing, Accounting Team leh Control Room leh Control Centre te siamin a mawhphurtu tur officials te pawh ruat fel vek tawh an ni bawk.