517/2026-2027

Champhai, dated 14th May 2026: Champhai North bialtu MLA Er. H Ginzalala chuan Vaikhawtlangah Solar Dryer, Kuthnathawktu ten an Baibing tharchhuah te awlsam zawka Ni zung chakna hmanga an rêp ro zung zung na tur chu a hawng a, Ruahmanna an lo siam angin heng an baibing rêp ro hralhchhuah tur atana a hming an vuah "ZO-BAIBING' tih chu a tlangzarh nghal bawk. He khawl hi a hmangtu tur kuthnathawktu te hnenah hman theih turin a hlan nghal a ni.

He hun hi Vaikhawtlang Community Hall ah hman a ni a. Pu Thangliansinga chuan kaihruaiin MLA chuan Solar Dryer chu khaw hmasawnna thlentu ni thei se a duh thu a sawi a, Vaikhawtlanga Baibing chingtu te chuan an tharchhuah hmanga Zoram Khawvelah hmingthanpui turin a beisei a. Mizoram chhung mai ni lo, ram dang thlenga thawnchhuak thei khawpa ṭan la turin he hmalakna hi kalpui a ni a, chumi atan chuan theihtawp chhuah turin kut hnathawktute chu a chah bawk a ni. Sum leh pai senso tam lutuk lo khawvelin a ken tel chakna hmanga hmasawnna kalpui a ṭul hle a ni tih a sawi a, thildangah pawh ngaihtuahna a sen reng thu a sawi bawk a ni.

Hemi hnu hian MLA Fund hmanga Vaikhawtlang MHIP Rûn sak chu hawnna a nei nghal a, MHIP hruaitu te leh khawtlang hruaitu te an lawm hle a, Serthlum chingtu te Lo kalpawhna tur Kawng sial (Link road) enfiahna hun a hmang nghal bawk.

MLA hi Pu James Lalnithanga, Project Director, DRDO bakah Loneitu te leh Khawtlang hruaitu te'n an ṭawiawm a ni.