MLA General Election, 2013 atana Champhai District inbuatsaihna chu ngawrh taka kalpui zel niin Election atana inbuatsaihna hrang hrang ah Election Observer ten an endik pui reng a ni.
Party hrang hrang leh Candidate te leh mipuiten Motor an hman theih chungchangah Pu Nitin Wapa, Expenditure Observer chuan Election Commission of India thu chhuak angin khauh taka kalpui a nih tur thu a sawi .
Lirthei eng chi pawh District Election Officer/Returning Officer ten phalna an pek te chauh campaign nan hman theih a ni a. Phalna pek loh te campaign nana lirthei hmang man an nih chuan Chapter IX ‘A’ Indial Penal Code (IPC) anga man theih an ni.
District Election Officer/Returning Officer in lirthei hmanga inthlan Campaign nana phalna a pekte chu phalna in a huam chhung (Constituency) ah chauh Campaign nan an lirthei te chu an hmang tur a ni. Chutiang a phalnain a huam chin pel a lirthei lo hmang an awm a nih chuan Dan anga hrem tur an ni ang. Chuvang chuan lirthei hmang a Campaign tute chuan hei hi ngai pawimawh ngeiturinPu Nitin Wapa chuan mipuite, Candidates leh Party Workers te a hriattir nawn leh a ni.
