2429/2023-2024

Mamit 21st October, 2023 : Vawiin khan Mamit DC Conference Hall-ah Mamit District chhunga Assembly Constituency pathum- 1- Hachek, 2- Dampa leh 3- Mamit Bial chhunga General Observer pahnih- Pu Sudhansu Mohan Samal, IAS leh Pu Rishirendra Kumar, IAS bakah Mamit District Police Observer Pi A.Kayalvizhi, IPS hovin meeting neih a ni. Observer-te hi Pu VL Remliana, District Election Officer, Mamit chuan a lo dawngsawng a ni.

Meeting-ah hian kan hma a Inthlanpui lo awm tura Mamit District chhunga RO, ARO, DIPRO, Asst. Commissioner Excise and Narcotics, Income Tax Officer, NER, Guwahati bakah YMA, MUP leh MHIP aiawhte an tel a ni.

Inthlanpui atana chanvo nei hrang hrangte hmalak tawh dan report ngaihthlak a nih bakah Observer-te hian inthlanpui tluang taka kan hman theih nana constituency pathum chhunga inthlan inbuatsaihna chungchanga an hriat duhte zawhna te an nei nghal bawk a ni.

Meeting zawh hian Second Randomization of Polling Parties neih zui a ni nghal bawk a ni.