2800/2022-2023
Aizawl 25th November 2022: Nimin 24.11.2022 ( Ningani) khan Government Middle School - II Lungdai Golden Jubilee lawmna Programme hman a ni a, he hun hi Pu K Laldawngliana bialtu MLA & Vice Chairman Commerce & Industrial Dev. Board chuan khuallian niin a hmanpui.

Khuallian Pu Dawngtea chuan thusawi in " Vawiin a Government Middle School – II, Lungdai Golden Jubilee lawmna Programme a lo kal zawng zawng te chibai a buk a. Golden Jubilee thleng tur hian he School hian hun hlimawm leh harsatna chi hrang hrang a pal tlang hnem tawh hlea a hriat thu a sawi a. He School dintu te, Managing Committee te, Headmaster lo ni tawh te, Zirtirtu lo ni tawh zawng zawng te leh Zirlai lo ni tawh zawng zawng te leh tuna Headmaster, Zirtirtu leh Zirlai ni mek ten Golden Jubilee kan thleng hi lawmawm a tih thu sawiin, thinlung takin a lawmpuiin jubilee chibai a bûk a.

Pu Dawngtea chuan "Vawiin Jubilee kan hman lai hian he School tana mi thahnemngai tak tak te, Managing Committee, Headmaster, Zirtirtu leh Zirlai chatuan ram min pan san ta te pawh kan hre reng a ni.He School atangin mi chhuanawm tam tak an zir chhuak tawh a, chung zingah chuan Er. Lalrinngheta E.E. PWD te, Pu Lalngilneia Colney te leh Pastor, Missionary, Zirtirtu te leh a dangte pawh in awm teuhvin ka ring a ni. Hetiang mi hlawhtling chi hrang hrang chherchhuak tu School in nei hi in vannei hle a ni" a ti.

A sawizel naah Tuirial bialtu MLA chuan "Mizoram Sorkar zirna ngai pawimawhin, Zirtirtu indaih lohna te hre rengin CSS atanga Scheme hrang hrang bakah SEDP Teacher pawh a ruai mek a, Lungdaiah pawh hian SEDP Teacher Govt. P/S – I ah 1 (pakhat) Govt. P/S – II ah 1 (pakhat) Govt. P.M. H/S ah – 1 (pakhat) a vaiin - 3 (pathum) a ruai mek a. Heng bakah hian kan bial chhung Govt. H/S, M/S, P/S Zirtirtu indaih lohna phuhruk nan khaw 18 (sawm pariat) – ah SEDP Teacher 27 Sorkarin min rawih sak mek bawk a ni" a ti

Pu Dawngtea chuan bialchhung Sorkar hmalakna sawi chhunzawm zelin "Heng bakah MNF Sorkarin theihtawp chhuahin kan bialchhung School building te sakthat leh thuamthat ngai te hma min laksak a, Scheme hrang hrang a tangin School Building heng :

1. Mualkhang RMSA Building Renovate.
2.Govt. Thingdawl M/S Renovate
3. Govt. Thingdawl P/S Renovate
4. Govt. Kawnpui HSS Renovate.
5. Green Hills H/S Renovate.
6. Govt H/S Office Building New Construction.
7. Govt. Bualpui P/S Office Building New Construction.
8. Govt. Khamrang M/S Office Renovate.
9. Govt. M/S - II Lungdai Renovate.
10. Govt Chalkunga Memorial H/S New Construction.
11. Govt. P/S Lungmuat Renovation
12. Govt. P/S II, Lungdai New Construction

te sak niin School dang te sak that leh thuam that tura hmalak mek a ni bawk a ni. In hriat theuh angin Bye Election a nikum 2021 a thlantlin mai kha ka ni a, kumkhat chhunga kan biala hmasawnna lut hi a chhuanawm takzet a, bial mipui te pawh kan lawm em em in ka ring a ni. Heng a thlen theihna hi Kan bial chhung mamawh leh Kan harsatna kan thlen te kan CM zahawm tak Pu Zoramthanga leh Education Minister zahawm tak Pu Lalchhandama Ralte ten min ngaihpawimawh sak thin a vang a ni a, anni lakah pawh lawmthu ka sawi tak meuh meuh a ni. Vawiin a Golden Jubilee hmang tura lokal zawng zawng te hlim leh lawm tak a hmang turin duhsakna sang ber ka hlan a che u" a ti.

He hun hi Pi Rokimi Headmistress in kaihruai in thusawi ngaihthlak bakah Zaithiam ten kalkhawm mipui te zaiin an awi a ni.