2801/2022-2023
Aizawl 25th November 2022: Vawiin khan Mizoram Chief Secretary Dr. Renu Sharma, IAS, hova thukhawm State Level Coordination Committee (SLCC) on Approval of Updated Provisional Results of the 7th Economic Census chuan kum 2019 atanga rampum huap Economic Census neih mek atana Mizoram State Economic Census Survey Provisional Results chu a pawmpui a. He Provisional Results for 7th Economic Census hi Ministry of Statistics & Programme Implementation (MOSPI), GOI hnenah thehluh a nih hnuah MOSPI-in pawmpui zel a nih chuan 7th Economic Census of India-ah chhuah tel a ni ang.

Seventh Economic Census hi rampumah kum 2019 atang khan kalpui tan niin Mizoram economic survey result lailawk pawh SLCC 2nd meeting ni 21, October, 2021-a neiah khan pharh a ni naa, Lunglei leh Serchhip District survey report-ah thil diklo / ziah sual hmuhchhuah a nih avangin heng district 2-ah te economic survey tihthat leh a ni a. Chumi siamthat hnua Provisional Result siamthar leh chu vawiin khan SLCC 3rd meeting-ah pharh leh niin pawmpui a ni ta a ni.

Vawiin meeting-a report tarlanah Mizoram chu rampum Economic Census Share of States-ah 27th Rank a hauh phah a, Sixth Economic Census (2013) ah khan Mizoram chu Rank 30-na a ni thung. Seventh Economic Census Provisional Results-a landan angin Mizoram district 8 (Aizawl, Champhai, Kolasib, Lawngtlai, Lunglei, Mamit, Saiha & Serchhip) ah economic establishments 74,426 a awm mek a, Workers 21,436 an awm bawk a ni. Economic Census-ah hian crop production, public administration, defence & compulsory social security srvices te hi survey tel a ni ngai lo a ni.

Kum 1977-2013 inkarah National Statistics Office (NSO), Ministry of Statistics & Programme Implementation (MOSPI) leh State Department of Economics & Statistics tangkawpin India rampum huapin Economic Census tum 6 neih a ni tawh a. Tuna 7th Economic Census neih mekah hian IT hmanga survey hna thawh hmasak berna niin Mizoramah pawh khaw hrang hranga Community Service Centre-te leh tualchhung mi smartphone neite chhawrin, chipchiar leh uluk takin survey hi kalpui a ni. Rampum economic survey neih hian sorkar programme leh policy duanna kawngah nasa takin a pui thin a, ramchhunga hmun hrang hrangte economy zone-ah thenhran tur dante pawh tiawlsamin sorkar hmachhawp leh hmalak zelna turah a kaihruai thin a ni.

Seventh Economic Census (2019) Provisional Results-a Mizoram dinhmun tlangpui chu hetiang hi a ni :
I. District-wise Establishments :
1. Aizawl - 25,454
2. Champhai - 10,542
3. Kolasib - 6,086
4. Lawngtlai - 8,247
5. Lunglei - 7,408
6. Mamit - 6,335
7. Saiha - 3,079
8. Serchhip - 7,275
TOTAL - 74,426

II. District-wise Workers :
1. Aizawl - 78,215
2. Champhai - 30,632
3. Kolasib - 11,400
4. Lawngtlai - 15,901
5. Lunglei -16,578
6. Mamit - 17,407
7. Saiha - 6,217
8. Serchhip - 21,436
TOTAL - 1,97,786

Attachment

  • Loading attachment...