2349/2023-2024

Aizawl, 17.10.2023: Mizoram Legislative Assembly inthlanpui lo awm tur atana inpuahchahna kal zelah vawiin tlai khan State Police Officer te tan inzirtirna buatsaih a ni a. DGP Conference Hall, Police Headquarters, Aizawl ah inthlanpui kaihhnawih a mi pawimawh state chhunga lo kalte venhim kawnga hriattur pawimawh inzirtir a ni.

Inzirtirna hi Pu Balbir Singh, Joint Director (Consultant), IB, Pu Navneet Kumar Mehta, DIG, SPG, leh Pu Desh Raj Bhatao, Assistant Director, IB te'n an pe a. Inthlanna felfai leh muanawm tak neih nan Police force te mawhphurhnate inzirtir a ni.

Inspector General of Police (IGPs), Deputy Inspector General (DIGs), AIG (Ops), SP Security, SP Aizawl, SP Traffic, SP CID(SB), Addl. SP Aizawl, SDPO – Aizawl North, SDPO Aizawl South te an tel bawk a. Anni bakah hian DIG(SR) leh Aizawl pawn a District Superintendent of Police (SsP) sawm te'n an chhim bawk.