2348/2023-2024
Aizawl, 17.10.2023: Aizawl District Magistrate Pi Nazuk Kumar, DC Aizawl District chuan inthlan hunchhunga boruak ralmuang a awm theih nan silai neitute'n Police Station hnai berah an silai tung turin a hnuai ami ang hian nimin dt.16.10.23 khan thupek a chhuah:
"Kan hriat theuh angin Mizoram Legislative Assembly (MLA) General Election 2023 chu Dt. 7.11.2023 hian neih a lo ni dawn a. Hemi hun chhunga boruak muanawm tak hnuaia Vote thlak leh tluang taka vote chhiar a nih theih nan khapna thupek chhuah a lo ngai ta a;
"Chuvangin, kei, Nazuk Kumar, IAS, District Magistrate, Aizawl District, hian Section 144, Cr.P.C, 1973 (Act II of 1974) in thuneihna min pêk angin a hnuaia tarlan silai neitute chu an hming leh khua tarlan ang hian Police Station hnai berah a rang thei ang bera an silaite thehlut tura hriattir an ni e.
"He thupek hian chhuah a nih atanga thla hnih (2 months) chhung a huam anga, thupek bawhchhia an awm a nih chuan Section 188 IPC hmangin an chungah na taka hremna lek a ni ang.
"He thupek hi vawin Dt. 16th October, 2023 hian Court Seal chhuin hming ka ziah hnan e."
