2261/2023-2024

10.10.2023: Vawiin khan Aizawl District Election Officer, Pi Nazuk Kumar, Aizawl District bawrhsap chuan General Election 2023 lo aswm tur atan Aizawl DC Conference Hall-ah press mi te kawmin, Aizawl district voter dinhmun leh inpuahchahna te a hnuai a mi ang hian a sawi.

Election Commission of India (ECI) chuan General Election to the Mizoram Legislative Assembly, 2023 neih hun tur chu No.ECI/PN/57/2023 dt 09.10.2023 hmangin 7th November, 2023 (Thawhlehni)-ah ni turin a puang a. A hnuaia tarlan ang hian Election Schedule siam a ni:

He inthlanpui neih turah hian District Election Officer, Aizawl chuan inbuatsaihna hrang hrang nei tawhin, ruahmanna hrang hrang te a hnuaia tarlan ang hian siam tawh a ni:

1. Electoral Roll: Ni 01.10.2023-a kum tling chin te tan Electoral Roll ennawnna 2nd Special Summary Revision of Photo Electoral Roll 2023 chu tluang taka neih a ni a. Final Electoral Roll hi October ni 4, 2023-ah tlangzarh a ni. Final Electoral Roll-ah hian Aizawl District ah mipa 1,34,249, hmeichhia 1,52,558, a vaiin vote nei thei hi mi 2,86,807 an ni. Tin, service elector 1733 an awm bawk. Electoral Roll nihphung tlangpui chu hetiang hi a ni:-

1)Elector tamna ber Assembly Constituency: 14-Aizawl West-I (ST) AC (29810)

2)Elector tlemna ber Assembly Constituency: 7-Tuivawl (ST) AC(17844)

3)Mipa 1000 zela hmeichhe awm zat - 1136

4)Part/Polling Station-a Elector tamna ber: 13/24 - Zemabawk VIII-(1481)

5)Part/Polling Station-a elector tlemna ber: 7/26-Chhanchhuahna (85)

2. Polling Stations: Aizawl District ah polling station 321 a awm a, khawpui (urban) ah 257 awmin, thingtlang (rural) ah 64 a awm. Heng polling station ah te hian ECI in awm tura a tih Assured Minimum Facilities (AMF) te chu dah vek a ni ang. Assembly Constituency tinah hmeichhia-in an vil polling station (Pink Polling Station) 3 theuh neih tum a ni. Assembly Constituency tinah vote thlaktute tualchhuak hmanraw hmanga siam leh zia tarlanna Model Polling Station pakhat tal a awm bawk dawn a ni. Commission thupek angin critical polling station zawng zawngah leh polling station awm zawng zawng zatve (50%) aia tlem lovah webcasting tih tum a ni.

3. Postal ballot/home voting facility: He facility hi PwD Voters, leh kum 80 chunglam, Senior Citizens te hnenah pek tel a ni ang. Inthlana tih dan phung pangngaia Returning Officer pakhat leh Assistant Returning Officer pakhat ruat thin pawh he ruahmanna hi tluang tak leh fel taka kalpui a nih theih nan hemi pual atan hian Assembly Constituency tinah Additional Assistant Returning Officer (ARO) ruat an ni

4. Eco-friendly election: Election Commission of India chuan political party te leh candidate te chu single-use plastic leh tawih theih lo hmanrua hmanga campaign kalpui lo tur leh environment tana him hmanrua chauh hmang turin a ngenin a beisei a. Hriselna leh environment venhim a nih theih nan political party zawng zawngte'n single-use plastic hmanga campaign-na bungrua (poster, banner, etc) siam a nih loh nan hma an la ngei tur a ni.

5. Election Expenditure Monitoring (EEM): Election-a candidate te sum hman dan ngun taka vil turin EEM team a hnuaia tarlan ang hian din a ni: 1) Assistant Expenditure Observer - AC tinah pakhat (1) theuh

    2) Flying Squad Team (FST) - AC tinah pathum (3)

    3) Static Surveillance Team (SST) - AC tinah pathum (3)

    4) Video Surveillance Teams(VST) - AC tinah pakhat atanga pathum

    5) Video Viewing Teams(VVT) - AC tinah pakhat (1)

    6) Accounting Teams(AT) - AC tinah pakhat (1)

    7) Media Certification & Monitoring Committee (MCMC) - District atan pakhat (1) Heng bakah hian enforcement agencies hrang, State Police, State Excise, State Tax, Investigation Directorate of Income Tax Deptt., CBIC, Enforcement Directorate, Financial Intelligence Unit (FIU-IND), DRI, RPF, BCAS, CISF, BSF, Assam Rifles, ITBP, ICG, Commercial Tax Department, Narcotics Control Bureau and Department of Post te chuan inthlan puan a nih atangin hna an thawk tan dawn a State Excise Department chuan Mizoram Liquor (Prohibition) Act, 2019 chu khauh takin a kengkawh dawn a ni.

6. Use of Media & Information Technology (IT): District Level Media Cell din a ni a, election laia media hrang hrang tangkai taka hman a nih theih nan leh media mite nena inpawhtlang tak leh anni nena thawh hona tha neih a nih theih nan Media Centre changtlung tak DEO Office-ah din tura ruahman a ni. Electronic media-a political advertisement chhuah tur nei reng reng chuan he Media Certification and Monitoring Committees (MCMC) remtihna (pre-certification) hi an la hmasa zel tur a ni. Social media hman sual leh paid news te vil turin Social Media Cell din a ni a, he Cell hian inthlan puan a nih atangin electronic, print leh social media-a thuchhuahte ngun takin an thlithlai dawn a ni.

Khua leh tuite zau zawka Election Process a an tel theih nan leh langtlang taka thil kalpui a nih theih nan ECI chuan nasa zawka IT Application hrang hrang Voter Helpline App & VSP, Saksham App (PwDs tan), c-VIGIL App (Inthlanna kaihhnawiha complaint thehluhna tur), Suvidha App & Portal (candidate leh political party te tan) leh Know Your Candidate App (candidate te chungchang tarlanna) a siam a, hengte hi tangkai taka hman a ni ang.

7. Training: District Level Master Trainers, Assembly Level Master Trainers, Police Officers Training, Sector Officers, political party leh sawrkar department Nodal Officers te tan training neih fel a ni tawh a. Election-a thawktute leh chanvo nei zawng zawng ten tha taka an hna leh chanvo te an hlen vek theih nan district tinah training hi vote thlak ni thleng neih chhunzawm zel a ni ang.

8. Systematic Voters' Education and Electoral Participation (SVEEP): Kumin inthlanah hian vote tam thei ang ber a tlak theihna turin SVEEP Committee leh Content Creator Team din a ni a, anni hmalakna hian hmun hrang hrangah leh media hrang hrang hmangin awareness campaign neih mek leh neih zel tum a ni.

9. EVMs leh VVPATS: Tun inthlanpui-ah hian ECIL siam M3 model thar ber EVM/VVPAT hman a ni dawn a. First Level Checking (FLC) tihfel tawh niin EVM te hi strong room-ah fel fai taka dah that a ni tawh. Mipuiin EVM/VVPAT hman dan an hmuh a, an zir theih nan Aizawl DC Office, BDO Aibawk leh BDO Darlawn office ah te EVM Demonstration Centre siam a ni bawk. Mobile Demonstratioin Van pawhin AC tin ah EVM hman dan zirna an kal chhuah pui tawh.

10. Counting plan: Vote chhiarna tur atan Assembly Constituency tin atan counting hall pakhat zel ruahman a ni a, a bul hnaiah strong room pawh buatsaih fel tawh a ni. Hall tinah counting table 8-14 a awm dawn a ni.

11. Model Code of Conduct: Inthlan puan (announce) ni 09.10.2023 atangin Model Code of Conduct hman nghal a ni. Model Code of Conduct hi Mizoram pumah hman a ni a, candidate te, political party te leh sawrkar hnuaia awm zawng zawng ten an zawm tur a ni. MCC bawhchhiatna chu khawng takin umzui a ni ang.

12. Appeal: Tluang tak leh felfai taka General Election to Mizoram Legislative Assembly, 2023 hi neih a nih theih nan District Election Officer, Aizawl chuan mi zawng zawngin theihtawp chhuaha thawhpui a, tawiawm turin a ngen a. Inthlanna zalen, thianghlim leh mi tin huap kan neihna turin media-te nena inrem taka thawk ho zel turin a ngen bawk a ni.