Ni 13 May, 2013 khan Pu K.Lianzuala Chairman Mizoram KVI Board, Bialtu MLA ni bawk chuan Govt. Democratic High School Khumtung in HSLC exam a result tha an neih lawmna hun chu khuallian ni in a hmanpui.

He result tha lawmna inkhawm ah hian Pu K.Lianzuala chuan a bial chhung a Democratic High School Khumtung in HSLC result tha tak an nei chu lawmawm a tih thu sawiin zirlai pass te thinlung tak a a lawmpui thu a sawi a. Zirlaite chu Zuk leh hmuam, ruihtheih thil chi hrang hrang lak a in thiarfihlim tur te, Khawtlang thil a inhman chintawk thiam turte, tunlai khawvel changkang chho zelah Electronics thil lam te, Internet leh Facebook hman lamah te chin tawk hria a, zirna puitu atan a hmang thiam turin a chah a, Central Service lama luh tum tur in zirlai pass tharte a fuih bawk.

Khuallian chuan School tan Computer set leh Printer bakah Dekchi leh Silpauline a pe a, zirlai pass tharte hnen ah lawmpuina thilpek a pe theuh bawk. He pass lawmna inkhawm ah hian Pu K.Lalremsiama (National teacher Awardee) Former Headmaster bakah Pu JH Lalbiakmawia Jt. Director of School Education leh Pu Zolawma DEO Serchhip ten fuihna thu tha tak tak an sawi bawk.

Tun tum HSLC result chhuak ah khan Democratic High School Khumtung atang hian Distinction - 1, First Division - 6, Second Division - 3 leh Third Division - 1 an pass a, heng zingah hian Elizabeth Lallawmzuali chu a pumpuiah 7-na a ni.