Vawiin chawhnu dar 1 : 00Pm khan M.L.A. Running Football Trophy- 2016 chu Meisatla Field-ah khelh a ni.

He Footbal Final khelh-na ah hian bialtu M.L.A Dr K. Beichhua, chuan thu sawiin he Tournament hi mipuiten kan hlut hi a ropui hle a ni tiin he Tournament huaihawttu Siaha District Football Association te hnenah lawmthu a sawi a, Siaha Constituency mai ni lova Tipa Constituency atang pawha infiam mite an lo tel thei chu lawmawm a tih thu a sawi bawk. Siaha District atanga Sports Intensive Award dawng thei kan awm chu a lawmawm tak zet a ni ati a, Mizoram level ah pawh lawmman hrang hrang kan District in kan la thin hi a lawmawm hle a ni ati bawk. Vawiina Sports chi hrang hrang a in taihmakna te hian rah tha a chhuah ngei ang a ti a, Artificial Turf pawh hi thalaiten i au chhuak ang u tiin kan ram hruaitute pawh hi Sports lamah thalaiten i kaiharh ang u tiin Football hi thalaite tan eizawnna tling leh eizawnna tham a ni thu sawiin rilru leh ti takzeta kan bei chuan hlawhtlinna chu kan hma-ah a awm a ni a ti. He Tournament Final ah hian Siaha District Football Association chuan Dr K. Beichhua, Siaha Constituency MLA hnenah chawimawina Certificate an hlan a ni.

He MLA Cup Final match-ah hian Match Commissioner chu Pu Khusa Khaila a ni a, Siaha District chhunga Football Club 24 atangin Football Club 19 an tel a, he Tournament hi Knockout System in match 17 khelh a ni a, Siaha khawpawn atangin Club 4 an tel a ni. He Tournament a lawmman hrang hrang dawngtute chu 1. Fair Play Award chu Mizoram Police FC ten an dawng a Tangkafai Rs 1000/- leh Certicate hlan an ni. , 2. Best Goal Keeper ah MS Dawngkima , Meisatla FC chu thlan niin lawmman tangkafai Rs 1000/- leh Certificate hlan a ni a, 3. Best Player atan Robert MS Thara, Mizoram Police thlan a ni a lawmman tangkafai Rs 1000/- leh Certificate hlan a ni a, Top Scorer ah Hc Jery, Meisatla F.C thlan ni in lawmman tangkafai cheng sangkhat (Rs.1000) leh Certificate hlan a ni, he tournament ah hian Meisatla F.C chuan Siaha Police F.C te chu 3-2 a hneh in chakber an ni ta ani. Heng lawmman te hi Pu Dr K. Beichhua, MLA chuan a sem a ni.