1556/2022-2023
Aizawl 11th August 2022: Mizoram Legislative Assembly hnuaia Subject Committee-I chuan nimin ni 10.8.2022 (Nilaini) khan Laldenga Fisheries Demonstration Farm Lengpui ami chu a hmun a kalin an enfiah a. He hunah hian Subject Committee-I Chairman Pu H. Biakzaua hoin Committee Member Pu Lalduhoma, Pu K.T. Rokhaw, Pu Lawmawma Tochhawng, Pu Lalchhuanthanga leh Pu Zothantluanga te an kal a, Mizoram Legislative Assembly Secretariat leh Fisheries Department atangin official ten an tawiawm bawk a ni.

Fisheries Department hian Sangha chi-a Mizoram intodelh tura hma an lak dan te leh Sangha khawitute tana Sangha chaw tharchhuah kawnga hmabawk awm hrang hrangte kawh hmuhin an lo sawipui a, Committee pawhin an harsatna te ngaihthlak sakin a tul anga bawhzuipui tha an tih thu an sawi a ni.