2/2026-2027

Dated Aizawl: the 01 April 2026: Vawiin khan Mizo Language Development Board (MLDB) buatsaih Thawnthutawi Inziahsiak lawmman semna hun chu ATI Auditorium, MINECO-ah hman a ni a. Pi Betsy Zothanpari, Secretary, IPR, P&S Department chuan khuallian niin he hun hi a hmanpui a ni.

Lawmman semna puala inkhawmah hian khuallian Pi Betsy Zothanpari, IPR, P&S Department Secretary chuan thusawiin, Mizo language Development Board-in Mizotawng hmasawnna atana Intihsiakna an buatsaih chu lawmawm a tih thu a sawi a. khawvel hmasawn zelah mahni tawng bosala hnam dang tawng leh nunphungin thangtharte zingah hlauhawm khawpa Mizote min tibuai tan mek nia a hriat thu tarlangin, chu chu ram leh hnam hmasawnna daltu a nih mai a hlauhawm hle a ni a ti a. Thawnthu ziak tura intihsiaknaa telte thawhrimna chu ropui a tih thu sawiin, ziaktute pawhin hmasawnna nasa tak an chhar chhuah ngei a beisei tih a sawi a. MLDB leh Intihsiaknaa telte chu nasa leh zuala ram leh hnam hmasawnna atana ngaihtuahna seng zel turin a fuih nghal bawk a ni.

LAWMMAN PAKHATNA ATANGA PATHUMNA DAWNGTU TE:

 

Position

Thupui

Hming leh Pa hming

Class

School

1st

Zirlai mak leh hlu

ber chu

Vanlaltanpuii

d/o Khawpuia

8

Springdale Academy,

New Champhai

2nd

‘The Chocolate’

Joseph lalduhawma

s/o Vanneihsanga

8

Presbyterian English

School, Melbuk

3rd

‘College pass

chhuak ve kha’

Phoebe Lalremruati

8

Noah’s Foundation

School, Aizawl

3rd

‘Ka rohlu ber’

R. Vanlaldampuii

d/o R. Lalrammuana

8

Presbyterian English

School, Champhai Zote


Hetiang hian lawmman pek an ni.

Lawmman pakhatna - Rs. 10,000/-

Lawmman pahnihna - Rs. 5,000/-

Lawmman pathumna - Rs. 3,000/-

Consolation Prize - Rs. 1,000/-

Vawiina lawmman semna puala inkhawm hi Pu Lalsangpuia, MLDB Secretary chuan kaihruaiin, Pu R.  lallianzuala, MLDB Chairman-in kalkhawmte lawmna thu a sawi a. Intihsiaknaa pakhatna atanga  pathumnate hnenah lawmman hlan theuh niin, Consolation price pawh buatsaih a ni a. Pu  Thangmuana, MLDB Superintendent chuan lawmthu sawiin hun hi a khar a ni.

Attachment

  • Loading attachment...