Khuarel chhiatrup thlen palha chet lak dan tur leh in hmakhua dan in zirtir lawk chungchanga kum 2006 a DGP leh IGP Conference Delhi a neih thurel bawhzui in zirna in hrang hrangah te, District hrang hranga Mizoram College ah te Disaster Management & Rehabilitation chuan Mock Drill & Exercise an lo neih pui tawh thin a. Vawiin khan DM & R Department chuan J. Thankima College ah Mock Exercise an neihpui leh a ni.
Pu Zosangliana MPS, Jt Director, DM & R chuan beisei loh taka lirnghing leh kangmei leh harsatna dang lo thlen pawha hmalak dan tur leh chet lak dan tur J. Thankima College zirlai leh zirtirtu hnenah sawifiah in College naupang te chu team hrang hrang ah thendarhin lo in ruahman lawk theih dan turte a hrilhfiah nghal a ni.
He hun hmanpui tur hian Fire Department, Medical, Sports & Youth Services a Adventure Wing leh Home Guard te an tel a ni.
