Vawiin February 4, 2009 hian February 17, 2009-a Mock Drill neih tur chungchangah Aizawl District Disaster Management Sub- Committee chu an Chairman Pu Hmingthanmawia, Addl. D.C. Office-ah thukhawmin, hemi nia tihdan tur kim chang sawihovin an thukhawm a. He hunah hian Govt. Mizo Higher Secondary School Filed, Mcdonald Tlangah neih tur a nih avangin he thil thlen huna tumah mipui lo chi-ai loh tur a ni.
Mizoram hi Lirnghing thlen mai hlauhawm ber zinga awm a nih avangin, National Disaster Management Agency ten hetiang manganna nasa tak a thlen palha kan buai lutuk lohna tura intanpui leh chhanchhuah dan kan thiam theihna tura hma a laknaah N.E.State tinte chu Mock Drill nei tura min tih avangin keini pawhin February 17, 2009 hian High School Field-ah neih tum a ni. He hunah hian India rama heti lama hotu lian berte an lokal ang a, Mizoram chhunga District tin atang pawhin Observer an lo kal theuh dawn a ni.
Vawiina Committee thukhawm hian tihdan tur kimchang duangin, tih tak tak niah hun hman dan tur tak tak kimchang, Film show tura tel tur pawimawh zawng zawng an buaipui vek a; February 10, 2009 hian an chetna tura pawimawhna nei hmun tin leh in thenkhat te pawh an enfel leh ang a; chuta chhanchhuaktu Pawl (Rescue Team) te pawhin a hnu February 11-ah Pre-Mock Drill Training, Aizawl S.P. Conference Hall-ah pawl hrang hrang atang Rescue Team-ten thawhhona mumal, Co-ordination tha, an neih theih nan an zir lawk leh bawk dawn a ni.
Vawiina Committee thukhawm hian tihdan tur kimchang duangin, tih tak tak niah hun hman dan tur tak tak kimchang, Film show tura tel tur pawimawh zawng zawng an buaipui vek a; February 10, 2009 hian an chetna tura pawimawhna nei hmun tin leh in thenkhat te pawh an enfel leh ang a; chuta chhanchhuaktu Pawl (Rescue Team) te pawhin a hnu February 11-ah Pre-Mock Drill Training, Aizawl S.P. Conference Hall-ah pawl hrang hrang atang Rescue Team-ten thawhhona mumal, Co-ordination tha, an neih theih nan an zir lawk leh bawk dawn a ni.
