4553/2023-2024

Aizawl the 12th April, 2024 : Vawiin khan Conference Hall, Directorate of School Education, Aizawl-ah Adult Education Wing, Directorate of School Education Dept hnuaia Model Centre for Critical Life Skill and Occupational Skill Development Programme Salem Veng, Ramhlun Vengthar leh Chawnpui Veng, Aizawl chu a kharna neih a ni a. He kharna inkhawm hi School Education Director Pu Lalsangliana'n kaihruaiin, Commissioner & Seretetary, Education Dept Pi Lalzarmawii, chuan a hmanpui a ni.

Commissioner & Secretary Pi Lalzarmawii chuan thusawiin programme hlu leh tha tak mai, mi tam takin eizawnna an nei thei dawn ta hi lawmawm hle a; a rem a nih chuan he programme hi kalpui zel tum a ni a ti. Model Centre For Critical Life Skill and Occupational Development Programme-in a tum ber chu ziak leh chhiar thiamlo thiam tir a, an thiamna thlah tawh lova vawn nun dan tur leh learning environment siam sak te, khawvel hmasawnna inher danglam ang zela an nitin nuna nuna harsatna thleng thin te hmachhawna inhaichhuak thei tur leh an skill haichhuah saka tihhmasawn leh eizawnna ngelnghet nei thei tura, training pek te a ni. Khuallian hian trainers leh trainees te hnenah Certificate a hlan a; trainees aṭangin 'success story' ngaihthlak a ni bawk.

He programme hi Kum 2021-2022 FY atang khan bulṭan ni tawhin, Job Role hrang hrang 11 kalpui a ni a, chungte chu :-

1) Housekeeping, Hotel & Restaurant Workers training
2) Baking
3) Pickle & Jam making
4) Shoe repairing
5) Umbrella repairing
6) Hair cutting
7) Floriculture
8) Beauty culture
9) Handloom/Weaving
10) House/Electric Wiring
11) Tailoring

Trainees zawng zawngte chu Critical Life Skills zirtir an ni a. Critical Life Skills-ah hian heng - Basic Literacy, Digital Literacy, Financial Literacy, Commercial Skills, Child care and Education, Health and Family Welfare, Political and Constitutional Awearness, Disaster Management te a huam a ni.

Kum 2023-2024 FY ah hian Model Centre 5 din a ni a :

1) Model Centre, Salem Veng, Aizawl
2) Model Centre, Ramhlun Vengthar, Aizawl
3) Model Centre, Chawnpui Veng, Aizawl
4) Model Centre, Keifâng, Saitual District
5) Model Centre, Thênzawl, Serchhip District

Tun ṭum Model Centre for Critical Life Skill and Occupational Skill Development Programme neihah an zavaiin zirlai (trainees) 176 an ni a, a hnuaia mi ang hian :

1) Model Centre, Salem Vêng, Aizâwl = 40 trainees
2) Model Centre, Ramhlun Vêngthar, Aizâwl = 40 trainees
3) Model Centre, Chawngpui Vêng, Aizâwl = 16 trainees
4) Model Centre, Keifâng, Saitual District = 40 trainees
5) Model Centre, Thênzâwl, Sêrchhîp District = 40 trainees

Zirlai (trainee) hlawhtling neih zât chu 137 trainees an ni :
1) Model Centre, Salem Vêng, Aizâwl = 33 trainees
2) Model Centre, Ramhlun Vêngthar, Aizâwl = 35 trainees
3) Model Centre, Chawngpui Vêng, Aizâwl = 16 trainees
4) Model Centre, Keifâng, Saitual District = 27 trainees
5) Model Centre, Thênzâwl, Sêrchhîp District = 26 trainees

Critical Life Skills and Occupational Skill Development Programme hi kum 2021- 2022 FY atanga kalpui tan a ni a, 2023- 2024 FY thlenga Trainees enrolment zawng zawng chu 393 a ni a, heng zinga mi 331 te hian job Role hrang hrang khi hlawhtling takin an zir chhuak a, eizawn nan an hmang mek a ni.