169/2024-2025 

LUNGLEI; the 12th April, 2024: Vawiinah khan DC Conference Hall-ah kan hma lawka Lok Sabha inthlanpui kan neih huna Polling party te hnena EVM leh lehkha / hmanraw pawimawh dang te lo pe chhuaktu tur  Despatch Team leh Vote thlak zawha Polling party te, an duty-na hmun atanga  lo haw huna an EVM & Materials lo dawngsawngtu tur (Receiving Team) te hnenah training pek an ni. Polling party in Vote thlak ni (poll Day) a an hman tur hi EVM bakah lehkha pawimawh leh bungraw dang a awm nual avangin;  inpek hmaih leh inpek sual palh te a awm loh nan uluk taka  dispatch leh receiving team te hi training pek an ni.

Lunglei District-ah hian Polling station 176 awmin,  chung zinga Polling station hla zual 13 a duty tur polling party te hi tahrik ni 17 April, 2024 khian dispatch Centre an chhuahsan ang a, a bak zawngin tahrik ni 18th April,2024 khian Despatch Centre an chhuahsan ve thung dawn a ni.

Training hi Pu Beitlotha Nohro, DTO&DLAO leh State Level Master Trainer (SLMT) ni bawkin a pe a, Assembly Segment Officer-in-Charge te: Pu James Miahlung Addl.DC/Dy.DEO, Pi ST.Lalvensangi, PR,DRDO, Pi Rochuangkimi khenglawt, Addl.DC leh Pi Lalhlimpuii Ralte, SDO(S)/DCSO ten tel puiin, Pu James Miahlung, Dy.DEO in training hawnna inkhawm tawi hi a kaihruai a ni.