4292/2023-2024
Election Commission of India chuan General Election to MP Lok Sabha chu dt.16.3.2024 khan puang in, vote thlak ni atan 19.4.2024 ruat a ni a. Inthlan puan rual hian India ram pumah Model Code of Conduct chu kalpui nghal a ni. A hnuai ami te hi mipuiin khauh taka zawm tura hriattir kan ni:
1. Sorkar, Vantlang leh Mimal ‘property’ tihhmelhem (defacement) chungchang:
a) Defacement of Government Property: Government Property tih hian Sawrkar hmunhma zawng zawng, sorkar office building leh compound te a huam vek a. Government Property tih hmelhemna hrang hrang - bang a thil ziah te, poster/lehkha tar te, cutout/hoarding, banner, flag tar leh adangte chu phal a ni lo.
b) Defacement of Public Proper & Misuse of Public Space: Vantlang bungrua tihhmelhem leh vantlang hmun a nih dan tur ang lo a hman khap a ni a. Model Code of Conduct chuan khauh takin bang a thil ziah/poster/ lehkha tar te, cutout/hoarding, banner, flag leh adangte chu bus stand te, airport, sorkar bus, electric/telephone ban, municipal/local bodies building leh vantlang hmun dangah te tar a khap tlat a ni.
c) Defacement of Private Property: Phalna la hmasa lo a mimal in leh compound a political advertisement tar/pholan chu election puan a nih atanga darkar 72 chhungin lakthlak vek tur a ni.
2. Official vehicle hman lohna tura hman (misuse) chungchang: Political party, candidate emaw inthlanpui kaihhnawih a thawk (election duty a chhuak ‘official’ tih loh) te chu campaign nan emaw, inthlanpui kaihhnawih a zinchhuahna atan official vehicle an hman phal a ni lo a. ‘Official Vehicle’ tih hian Central / State sawrkar lirthei bakah Local body, Municipal Corporation, Marketing Board, Cooperative Society leh pawl dang public fund investment awm na tawh phawt hnuaia lirthei chi hrang hrang – truck, lorry, tempo, jeep, car, auto rickshaw, e-rickshaw, bus, etc. a huam vek a ni.
3. Official Website a Political Function thlalak tarlan chungchang: Central/State sawrkar official website a Minister, Politician emaw Political Party te tarlanna chu lakthlak tur a ni.
4. Development/ Construction kaihhnawih: Model Code of Conduct kalh a hnathawh (works) a awm loh nan Election puan a nih atanga darkar 72 hnuah chuan sorkar hnuaia hmasawnna hnathawh hrang hrang – hna thawh mek leh la thawh tan loh te chu a list DEO hnenah submit a ni ang.
