4293/2023-2024

Khawzawl, 21st March 2024: Khawzawl Bawrhsap Pu K. Lalrohlua chuan Section 144 CrPC, 1973-in thuneihna a pek hmangin Khawzawl District chhungah silai eng chi pawh, silai mu, puakthei thil engpawh inthlan puan atanga Election result puan ni thlengin tumahin an keng/pai/hmang chhuak tur a ni lo tiin a hnuaia mi ang hian thupek a chhuah.

Election Commission of India chuan General Election to Lok Sabha, 2024 inthlan hun atan ni 19.04.2024-a ruat a, chuvangin Election Code of Conduct chu vawin ni 16.03.2024 atanga hman tan a ni a. Manual on Force deployment in elections, 2023 para 3.16 C. i) in a sawi angin inthlan hun chhungin silai license neite chu an silai kenchhuah a khap tlat a.

Hemi bawhzui hian thuchhuah a tul a.

Chuvangin, kei, K. LALROHLUA, District Magistrate, Khawzawl District, Khawzawl hian Section 144 CrPC, 1973-in thuneihna min pek hmangin Khawzawl District chhungah silai eng chi pawh, silai mu, puakthei thil engpawh he thuchhuah atanga Election result puan ni thlengin tumahin an keng/pai/hmang chhuak tur a ni lo tih thupek ka tichhuak a.

He thupek hian Magistrate, Police, Armed Forces leh BRTF mi te a huam lovang. He thupek bawhchhiate chu IPC section 188 hmangin hrem theih an ni ang.

He thupek hi ni 16 March, 2024 hian seal nen hming ka ziah hnan e.