DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/expenditure-observer-hovin-aizawlah-meeting-evm-randomisation-thawhkhatna-neip

Expenditure Observer hovin Aizawlah meeting; EVM Randomisation thawhkhatna nei

4294/2023-2024

Aizawl, 21.03.2024: Lok Sabha inthlanpui 2024 inpuahchahna kal mekah vawiin chawhma khan Aizawl DC Pisapui Hall-ah 1-Mizoram Parliamentary Constituency atana Expenditure Observer pahnih zinga pakhat Pu Arvind Sharma ho in meeting neih a ni. He meeting-ah hian Election Expenditure Monitoring Nodal Officer te, Asst. Expenditure Observer te, Flying Squad Team leh Static Surveillance Team te kalkhawm in, inthlan chhunga campaign atana sum sen enzui chungchang leh therhlo sem a awmloh nan a enzui chungchanga hmalak dan an sawi a ni.

Vawiin vek khan inthlanpui lo awm tur atan Electronic Voting Machine Randomization chu DC Conference Hall ah neih a ni bawk a. Inthlanna felfai tak a awm theih nan EVM randomization hi neih thin a ni a. EVM te hi khawi constituency leh khawi polling station ah nge dah an nih dawn tih tu mahin an hre lawk lo a. Computer kaltlangin serial number hmangin, EVM khawlte hi khawia hman tur nge tih thlan thin a ni.