Rajya Sabha MP Pu Ronald Sapa Tlau in Tlungvel khua Model Village atana a thlan chu nimin khan Tlungvel Community Hallah ‘Orientation Programme and Participatory Rural Appraisal(PRA) Tools and Techniques on Sansad Adarsh Gram Yojana (SAGY)’ tih chu zirchianna neiin, department hrang hrang, VC leh Tlawmngai Pawl an tel a ni. He Programme hi Rural Development Department hnuaia Aizawl District Rural Development Agency (DRDA) Project Director in a kaihruai a ni. 

Zirhonaah hian SAGY nihphung leh kalphungte leh PRA thil tumte leh a awmziate zirhona an nei a ni. Model Village atan hian department tinte bakah VC leh Tlawmngai Pawl te chu theihtawp chhuah theuh tura beisei an nih thute sawilan a ni bawk. PRA bik hi August thla chhunga neih tura ruahman a ni. 

Tunah hian Baseline Survey kalpui mek a ni a, chumi chu Village Development Plan siamin a zui dawn bawk a ni.