Pu Joseph Lalhimpuia, Chairman, Mizoram YouthCommission chuan ni 4.4.2018 zan khanMizo Students Union (MSU) buatsaih MPSC Challenge Inter-College Quiz Competition Semi Final a hmanpui.

He hunah hian Pu Mahima chuan Mizoram Youth Commission hmalakna tur chi hrang hrang tar langin, Mizo thalaite tan tuiah te, van boruakah te leh khawvel hmun hrang hrangah zauh hna an thawk mek tih a sawi a. Mizoram Youth Commission hmalaknate leh hmachhawpte a tarlang bawk a ni.

Pu Mahima chuan,“Modern Era-ah kan awm tawh a, chem te, silai leh fei tea indo tawh loin, technology leh knowledge (hriatna)-in kan indo tawh a; hetiang khawvela kan awm tawh avang hian Mizo thalaite chu Modern Era pasaltha  ni tura inbuatsaih a tul tawh a ni,” a ti. Hetiang pasaltha ram tana Civil Service-a inziak tlingte, Indian Army-a lut theite, Banking, Para-Medical lam leh zirna in lian leh changtlung zawka zir thei tura inhlangkai phakte hi chawimawina ‘Nopui’ pek a duh thu a tarlang a. MSU-in zirlaite hriatna tizau a, tihmasawn thei tur program an buatsaih avangin lawmthu a sawi a ni.