Serchhip District Task Force on Beti Bachao Beti Padhao (BBBP) in thla tin ni 5 (5th of every month) chu Fanute Ni (Monthly Girl Child Day) a a lo puan tawh angin vawiin February ni 5 hian Serchhip District Hospital-a fanu thar pali awm mek te chu BBBP thawktuten an en.

Fanu thar en te chu: Emily Lalmuanpuii D/o Zomuanpuii, Khawlailung; Loisy Lalhriatrengi D/o Grace Lalchhandami , Biate; Lalhmangaihzuali D/o Lalremzuali, New Serchhip leh Josephine B. Lalhlimpuii D/o Zionparmawii, New Serchhip te an ni a, heng fanu thar pali te hi Wipes package, New Born Baby suit leh pawisa fai Rs. 1000 theuh pek an ni a, BBBP District Task Force aiawhin Pu K. Saitluanga, MIS leh V. Lalruatsangi, Women Welfare Officer leh VL Remruatpuii, District Coordinator, Mahila Shakti Kendra (District Women Centre) a thawktute an hlan a ni.

Fanu thar te chu venghim la, zir tir rawh tih thupui hmanga sawrkar laipuiin hma a lakna Beti Bachao Beti Padhao hnuaiah Serchhip district ah hnathawh mek a ni a, fanu thar leh hmeichhe naupangte venhim leh lehkha an zir chhuah ngei theihna tura mipuite inhrilhhriatna kawng hrang hrangin kalpui mek a ni. Chumi peng pakhatah chuan thla tin ni 5 ni a piang hi Girl Child Day ah puangin he niah hian Serchhip District Hospital-ah fanu thar (nau nai thar) awm mek an lo awm a nih chuan thilpek te pein lawmpuina leh enna neih thin a ni.

Vawiina fanu thar ena kal te hi Dr. ZD Lalmuanawma, Medical Superintendent, Serchhip leh thawktu dang ten an tawiawm bawk a ni.