Vawiin chawhnu dar 3:00 khan I&PR Auditorium-ah Mizo Moral Reformation Network International (MoralReform tia hriat lar) huaihawtin ‘Moral Reformation Seminar’ neih a ni a, Mizoram sorkar-a hotulute leh officials pawimawh tak tak te an tel a ni. He Seminar hi MoralReform Vice-Chairman Rev.Dr.R.Lalbiakmawia’n a kaihhruai a, UPC(NE) Gen. Secy. Rev.R.Liansanga’n hawnna tawngtai a neih zawhah MoralReform Adviser Bishop Stephen Rotluanga, CSC-in kum 2009 atana an pawl thupui ‘Mizo Moral Reformation’ leh Seminar hawnna hun a hmang nghal a ni.
Seminar hun hmasa lamah Mizoram Chief Secretary chuan thu sawiin he Seminar buatsaih leh kohkhawm an nih chhan a sawifiah a. Sorkar kal tum dan leh MoralReform pawl thiltumte chu inmila a hriat thu te, MoralReform hruaitute chu sorkar kal zel dan turah berampu chan an chan a tul thu te, sorkar dik lohnaah fuih tur leh a thil tih thatah thlawp tlat turin a chah a ni.
MoralReform Chairman Rev. K.Lungmuana chuan an pawl thiltum leh rawngbawl tum dan chungchang sawiin vawiin Seminar-a Mizoram sorkar hotulu ber ber te leh officials pawimawh tak tak te an kalkhawm thei chu Pathian Thlarau hnathawh a ni a; Mizoram khawtlang, kohhran leh ramah Pathian-in hnathawh a tumzia a tichiang a ni, a ti. MoralReform pawl chuan insawisel aiin inchawimawi chu thuvawnah a neih thu leh sawichhiatna ai chuan fuihna hian rah duhawm a nei zawk fo thu a sawilang a ni. Mizo hnam chu hnam danglam riau, hnam tlawmngai, rinawm, nu leh pa thuawih hnam, taima leh intodelh hnam tia hriat kan ni thin a. Amaherawhchu ‘Zonunmawi’ tia kan sawi thin Mizo hnamzia tha tak chu thlipui chi 6-in a nuai a, hengte hian nasa takin Mizo rilru sukthlek dan a tidanglam a ni a ti a. Chungte chu - 1894-ah Kristianna, 1954-ah District Council din, 1966-ah kum 20 chhung ram buai kan nih tanna, 1972-ah U.T., 1986-ah state puitling-a hlankai kan nih leh 1991-ah India ram puma New Economic Policy kan nei te chuan Mizoram leh Mizo mipuite chungah nghawng nasa tak a nei a. Vawiinah hian Zonunmawi fang hmuh tur la awmte chu vawn nun leh chawhnun thar kan mamawh tak zet a ni, a ti. Mizo Kristiante chu kohhran mi hle mahse an sakhaw mi tawk loh thu sawiin Rev. Lungmuana chuan kut fai leh thianghlim neitu nih hi i ngai pawimawh nawn leh ang u tiin kalkhawm zawng zawngte a fuih.
Zawhna leh Chhanna hunah Speaker, Dy. Speaker, Ministers leh officials engemawzatin an ngaihdan te an sawi a, inkawmna hun tha tak an nei zui a. Salvation Army Lt. Col. Rohmingthanga’n lawmthu sawina a neih hnuin Seminar hi Bishop Stephen Rotluanga’n tawngtaina leh malsawmna in a khar a ni.
MoralReform Chairman Rev. K.Lungmuana chuan an pawl thiltum leh rawngbawl tum dan chungchang sawiin vawiin Seminar-a Mizoram sorkar hotulu ber ber te leh officials pawimawh tak tak te an kalkhawm thei chu Pathian Thlarau hnathawh a ni a; Mizoram khawtlang, kohhran leh ramah Pathian-in hnathawh a tumzia a tichiang a ni, a ti. MoralReform pawl chuan insawisel aiin inchawimawi chu thuvawnah a neih thu leh sawichhiatna ai chuan fuihna hian rah duhawm a nei zawk fo thu a sawilang a ni. Mizo hnam chu hnam danglam riau, hnam tlawmngai, rinawm, nu leh pa thuawih hnam, taima leh intodelh hnam tia hriat kan ni thin a. Amaherawhchu ‘Zonunmawi’ tia kan sawi thin Mizo hnamzia tha tak chu thlipui chi 6-in a nuai a, hengte hian nasa takin Mizo rilru sukthlek dan a tidanglam a ni a ti a. Chungte chu - 1894-ah Kristianna, 1954-ah District Council din, 1966-ah kum 20 chhung ram buai kan nih tanna, 1972-ah U.T., 1986-ah state puitling-a hlankai kan nih leh 1991-ah India ram puma New Economic Policy kan nei te chuan Mizoram leh Mizo mipuite chungah nghawng nasa tak a nei a. Vawiinah hian Zonunmawi fang hmuh tur la awmte chu vawn nun leh chawhnun thar kan mamawh tak zet a ni, a ti. Mizo Kristiante chu kohhran mi hle mahse an sakhaw mi tawk loh thu sawiin Rev. Lungmuana chuan kut fai leh thianghlim neitu nih hi i ngai pawimawh nawn leh ang u tiin kalkhawm zawng zawngte a fuih.
Zawhna leh Chhanna hunah Speaker, Dy. Speaker, Ministers leh officials engemawzatin an ngaihdan te an sawi a, inkawmna hun tha tak an nei zui a. Salvation Army Lt. Col. Rohmingthanga’n lawmthu sawina a neih hnuin Seminar hi Bishop Stephen Rotluanga’n tawngtaina leh malsawmna in a khar a ni.
Attachment
- Loading attachment...
