Pu H.Rohluna, Environment & Forest Minister chuan vawiin khan Mizoram Consultative Forum (MCF) khawmpui vawi 9 na IPR Conference Hall a neih chu a hmanpui.
Pu Rohluna chuan Mizoram Consultative Forum hnathawhte tha a tih thusawiin tunah ram rorel an zir tan a, thurawn pe thin turin leh thahnemngai taka ram hmasawnna kawngah tawiawm zel turin a sawm a. Vawiina ram rorelna a mawhphurhna neitute hian ram hruaitu hmasa ten an thlen chin atanga hmasawn zel a ngaih thu sawiin Minister chuan heta hian MCF member te chu an tawnhriat leh ram tana thil tha ngaihtuah chhuak zel turin a chah. Pu Rohluna chuan MCF in ‘Zotheihuan’ project an siam chu tha a tih sawiin ramngaw zau thei ang din a, chung ramngawah te chuan mihring leh ramsa ei duh chi thlai/thei chi hrang hrang ching thar leh eitur leh chenna tur tha an neih chuan ramsa leh sava tlanbo tawh leh tlem tawh hote an lo awm thar leh ang tih rilru pu chunga hetiang project an buatsaih chu fakawm a tiin, Mizo mipuite hi nungcha humhalh kawngah tun aia zirtirna pek uar a tul thu a sawi. Mizoram ah kan hnam leh ram kal zelnaah moral reformation kan mamawh thu sawiin Minister chuan mipui rilru leh nun kawng dik kawhhmuh turin MCF an tangkai ngei a beisei thu a sawi bawk
Hawnna inkhawm hi Pu VL Bela, President MCF in a kaihruai a, Pu C.Thanmawia, General Secretary in report tawi leh hmalakna hrang hrangte a sawi. Mizoram Consultative Forum hi Kohhran pawl hrang hranga hruaitu, duh thuhmun Mizorama rorelna fel leh tha a lo a awm a, remna leh muanna tluantling a lo dinchhuah theihna turin 20th April 1998 khan Mizoram Foundation Forum (MFF) tih hming chawia din a ni a. Kum 2004 khan pawl hming MFF chu MCF-ah thlak a ni. MCF hian Aizawl ah Headquarters a neih bakah District Headquarters 8 a nei mek a ni.
Chawhnu lamah rorelna leh inthlanna neih a ni a, thlantlin te chu a hnuaia mi ang hi a ni :
1. President : Pu V.L.Bela
2. Vice-President : (1) Rev. F.Lalchungnunga
(2) Pastor H.B.Lalkhawliana
3. Gen. Secretary : Pu C.Thanmawia
4. Secretaries : (1) Pu H.Chhawntluanga
(2) Pu Joseph Thansanga
(3) Pu Vanlalsawma
5. Treasurer : Rev. R.Pahlira
6. Fin. Secretary : Rev. Saitluanga Sailo
Hawnna inkhawm hi Pu VL Bela, President MCF in a kaihruai a, Pu C.Thanmawia, General Secretary in report tawi leh hmalakna hrang hrangte a sawi. Mizoram Consultative Forum hi Kohhran pawl hrang hranga hruaitu, duh thuhmun Mizorama rorelna fel leh tha a lo a awm a, remna leh muanna tluantling a lo dinchhuah theihna turin 20th April 1998 khan Mizoram Foundation Forum (MFF) tih hming chawia din a ni a. Kum 2004 khan pawl hming MFF chu MCF-ah thlak a ni. MCF hian Aizawl ah Headquarters a neih bakah District Headquarters 8 a nei mek a ni.
Chawhnu lamah rorelna leh inthlanna neih a ni a, thlantlin te chu a hnuaia mi ang hi a ni :
1. President : Pu V.L.Bela
2. Vice-President : (1) Rev. F.Lalchungnunga
(2) Pastor H.B.Lalkhawliana
3. Gen. Secretary : Pu C.Thanmawia
4. Secretaries : (1) Pu H.Chhawntluanga
(2) Pu Joseph Thansanga
(3) Pu Vanlalsawma
5. Treasurer : Rev. R.Pahlira
6. Fin. Secretary : Rev. Saitluanga Sailo
