Pu NK Chakma, Sericulture Minister chuan vawiin khan Chaltlang a Sericulture Directorate leh Zemabawk a Sericulture department hnuaia Silk Twisting Factory, Silk Reeling Factory te leh Sericulture Training Institute te a tlawh. Minister hian department Officers leh staff te nen inkawmna hun hmangin harsatna hrang hrangte sutkian dan tur an sawiho. Minister hi Pu C.Rosanga, Sericulture Director leh officer dangten an tawiawm a ni.
Sericulture Department hnuai ah hian Chaltlang a Directorate bakah district office Aizawl, Kolasib, Champhai, Serchhip, Lunglei leh Saiha ah te awm a, Rangvamual ah Basic Seed Farm leh Industrial Grainage a awm. Seed Multiplication Centre hi hmun 8 - Vairengte, Kolasib, Phullen, Champhai, Serchhip, Thenzawl, Hnahthial leh Lunglei ah te din a niin tunah hian Sericulture department hnuai ah hian Technical Staff 184 leh Non Technical Staff 99 an awm.
