Coordination Committee on Traffic Management meeting rel anga Aizawl kahwpui (AMC area) chhunga ni 31.10.2019 thleng atana lirthei intlanchhawk/indinchhawk enchhin mek chu Aizawl khawpui chhung Traffic Jam tihziaawm nan leh lirthei hmangtute tana tha zawk a hriat anih avangin ni 1.11.2019 (Zirtawpni) atangin thu leh awm hma chu intlanchhawk hi chhunzawm leh turin thupek Sr.S.P Traffic, Aizawl chuan a chhuah.

INTLANCHHAWK DAN TUR LEH A HUAM CHIN TUR

1. Intlakchhawk hian mimal motor leh Sorkar motor, Two Wheeler zawng zawng (Exempted bik tih loh) bungraw phur lirthei zawng zawng a huam ang.

2. Lirthei registration number tawp ber te tlanchhuah theihloh ni chu hetiang hi a ni ang -
Thawhtanni (monday) ah Registration 1 leh 2 a tawp
Thawhlehni (Tuesday) ah Registration 3 leh 4 a tawp
Nilaini (Wednesday) ah Registration 5 leh 6 a tawp
Ningani (Thursday) ah Registration 7 leh 8 a tawp
Zirtawpni (Friday) ah Registration 9 leh 0 a tawp

Tlanchhuah phalloh hun hian Nipui (1st March to 31st October) atan zing dar 9:00 AM atanga tlai dar 5:30 PM inkar leh Thlasik (1st November to 28th/29th February) atan zing dar 9:00 AM atanga tlai dar 5:00 PM inkar a huam ang.

3. Mizoram District dang lirthei zawng zawngte, State pawna lirthei register te, Private Motor leh Bungraw phur motor Aizawl khawpui chhunga awm leh rawn tlan lut tur reng rengte pawh intlanchhawk hian a huam ang.

4. Lirthei intlanchhawk hian Inrinni (Saturday) leh Pathianni (Sunday) bakah Sorkar Holiday-te a huam lovang.

5. Taxi bik chu Sticker A,B leh C hmanga intlanchhawk kalpui mek ang hian zing dar 9:00 AM atanga tlai dar 6:30 PM inkar an intlanchhawk ang. Inrinni (Saturday) bikah Chawhnu dar 1:00 PM atangin Taxi te hi an vaia tlanchhuah phalsak an ni. Tin, Pathianni (Sunday) leh Sorkar Holiday ah pawh Taxi te hi an vai a tlanchhuah phalsak an ni.

6. Two Wheeler Taxi bik chu Sticker A,B,C,D leh E hmanga an tlan dan tur kalpui mek ang hian zing dar 9:00 AM atanga tlai dar 6:30 PM inkar ah an tlan ang. Pathianni (Sunday), Sorkar Holiday leh Inrinni (Saturday) bikah Chawhnu dar 1:00 PM atangin tlangdung kawngpui (Main Spine)artery) ah an vaia tlanchhuah phalsak an ni.

A HUAM LOH TURTE

1. Governor, Chief Minister leh Speaker te (an carcade tiamin) a huam lovang.

2. Guwahati High Court Judge te a huam lovang.

3. Public Service Vehicle (Passenger phur chi lirthei) City Bus/Bus, Maxi Cub/Sumo (State dang registered huamin), Auto Rickshaw, Institution Bus, Department Bus.

4. Police Department Motor duty, Traffic Police duty te, Fire (F&ES) motor, Excise & Narcotics motor duty, Medical & Hospital Emergency duty, Ambulance/Morgue Van, Executive Magistrate law and order duty leh emergency duty, Media mite (MJA Sticker tar chauh), PHE emergency duty leh PHE tuisem, P&E emergency duty, Bawnghnute sem, Chanchinbu sem, AMC hnuaia Bawlhhlawh paih (Garbage) motor duty, Army leh Para-Military Force, Government Department/Office Despatch Rider te.

5. Rualbanlote tana Special Vehicle te a huam lovang.

6. District dang atanga Sorkar thil pawimawha duty te, Law & Order leh Essential Commodities duty te chu Aizawl City Traffic Police an hrilh hmasak hnuah an lirthei tlan dan tur ruahmansak an ni ang.

7. Lirthei 407 (truck) leh a chunglamte National Highway-54 Bawngkawn leh Zemabawk inkara tlan dan tur chu Traffic Police ten an lo ruahman tawhsa anga tlan tlang tu te a huam lo bawk ang.

A chunga a huam loh tur sawi bakah hian eng emaw hriatlawkloh Emergency Case leh tul bik tak tak thilah chuan Aizawl Traffic Control Room Phone Number : 0389-2322307/2313061/9366556559 (Jio)/9774440722 (Vodafone) ah hriattirin an thu leh hla ngaichang hmasa in an ruahmanna siam te zawm thin tur a ni.

He thupek zawmlo man te chu Section 179 of MV Act, 1988 hmanga hrem an ni ang.