Tun hnaia khawvela tlangsang ber Mount Everest lawn chhuaktu, Mizo te zinga a hmasa ber, David Zohmangaiha chu Chief Minister Pu Lal Thanhawla chuan thinlung taka a lawmpui thu leh hetiang thil tih harsa leh ropui, mi nazawng ina thil tih theih loh kan Mizo thalai ngei maiin khawvel hriata a hlawhtlinpui hi kan chhuang tak meuh a, a nu leh pa, a chhungte leh Republic khawtlangte kan lawmpui rualin, Base Camp Manager Vanlalliana pawh kan chhuangin kan lawmpui tak zet a ni, a ti a. An lo haw hunah sorkarin ropui taka lo hmuak a, lo lawm kan tum a ni, a ti.

Chief Minister chuan David Zohmangaiha hnenah lawmpuina sum Rs.5 lakhs pek anih tur thu leh Base Camp Manager Vanlalliana hnenah lawmpuina bawk Rs.3 lakhs pek anih tur thu a puang bawk a ni.