Serlui bialtu MLA Pu K. Lalrinthanga chuan vawiin khan a bial Bilkhawthlir Blockhuam chhunga chhungkaw 73 hnenah inchung chih tur rangva a sem.

Vawiina rangva sem tak hi chhungkaw harsa leh rethei te chhawmdawl nana mizoram sorkarin ruahmanna a siam, (Distribution of GCI Sheet) Rangva inchung neilo ten Rangva inchung an neih theih nan leh ruahtui dahkhawl tur an neih theih nana Rural Development Department kaltlanga pek a ni a. Rangva sem inkhawm hi Bilkhawthlir Community Hall ah neih niin, Bilkhawthlir BDO Office ten an kaihruai a ni.

Thu sawiin Pu K. Lalrinthanga chuan, development hi Ram mipui te hnenah leh a dawng tur diktak te hnen athlen loh a, development a kal rual loh chuan Mipui lungawilohna avangin ramchhungah buaina leh harsatna a thlen thei a, chuvangin mipuite hian remna leh muanna nei ila, chumi hnuaiah chuan development hi chak takin kal thei se tih hi sorkar duh dan a ni. Rethei leh harsa te chhawmdawlna turin sawrkar chuan NLUP a kalpui a, chubakah chuan Rangva inchung neilo ten Rangva inchung anlo neih theih nan leh ruahtui dahkhawl tur anlo neih theih nan sorkar chuan Distribution of GCI sheet scheme a siam a, rethei ten rangva inchung kan lo neih theih phah dawn ta a ni, a ti bawk.

Distribution of GCI Sheet hnuaiah hian kum 2011 khan Bilkhawthlir Block huamchhungah chhungkaw 60 hnenah sem a ni tawh a, vawiin khan Bilkhawthlir Block huamchhunga chhungkaw 80 atangin Serlui Bial chhunga chhungkaw 73 te hnenah sem leh a ni a, chhungtin tan rangva hi bandel-4 theuh a sem a ni.