Vawiin chawhnu dar 1:00Pm khan Saiha DC’s Conference Hall-ah District Level Vigilance and Monitoring Committee ten Quarterly Review Meeting an neih. He meeting hi DLV&MC chairman Pu CL. Ruala,MP( Lok Sabha) leh Co-Chairman Pu Ronald Sapa Tlau, MP( Rajya Sabha) ten an kaihruai a. Pu CL Ruala chuan thu sawiin, 16th Lok Sabha term-ah chuan DLV&MC a thar duan a ni a, Guide Line te pawh a thar vek a ni a, meeting pawh hi vawikhatna tur a ni thu sawiin, member te nen hlim taka inhmuh leh thei chu lawmawm a tih thu meeting a hrilh.

Pu Ruala chuan CSS hi thahnemngaihna leh in pum pekna tel lo va kal pui chuan, Social Asset tling eng mah siam chhuak si lo va, sum tamtak khawhral theihna hna a a ni thu sawiin, official te chu rinawm tak leh thahnem ngai taka thawk turin a ngen hlawm a ni. Co- Chairman Pu Ronald Sapa Tlau pawhin Report hrang hrangte a ngai thlak hnu-ah thu sawiin, official-te chu khawi District-ah pawh awm se, an awmna District mi leh saa in ngaia, thahnemngihna leh district hmangaihna nen hna thawk thin turin a fuih hlawm a, Official te chu dikna tana huaisen taka hna an thawh phawt chuan an mahni tanpui turin an MP 2 te chu an in peih reng thu a sawi lang bawk.

Vawiin meeting-ah hian CSS implementing department hrang hrang te chuan an hmalak tawhna leh hmachhawp hrang hrang te tar langin, MP 2 te hnenah hian harsatna an tawh hrang hrangte thlenin, hmalak pui turin an ngen nghal a ni. PWD lam chuan Black Topping hna thawk tur chuan mizo Contractor 2-3 tih lo-ah chuan, mizo contractor tam zawkte hian an tlin rihlo ni bera an hriat thu an tar langin, hei hi PMSY hnuaia kawng sial hna tam tak a sukukna chhana an hriat thu an tarlang a. DRDA lam chuan IAY Scheme hnuaia Assistance dawng te chu kum tel in a tla hniam zel a, 2013-2014 leh 2014-2015 phei chu a let li dawn, 193 atangin 56-ah a tla hniam a, hei hi thenawm district Lawngtlai District in 300 chuang an hmu laia heti em em a tlak hniam hi mak an tih thu MP 2 te hi an hrilh a ni.

MP pahnih te hi Pi K.Lalrinzuali,Joint Secretary, RD in Aizawl atangin alo tawiawm a ni.

Attachment

  • Loading attachment...