3249/2023-2024

Dated Siaha 6th January 2024: Vawiin chawhma dar 11 khan Pu Lalhmunsanga Hnamte, District Election Officer leh District Bawrhsap ni bawk chuan DC Mini Conference Room-ah Member of Parliament (MP) inthlanpui a hman tur Draft E/Roll ni 1 January 2024 tehfung a hmanga duan chu a tlangzarh.

Pu Lalhmunsanga Hnamte chuan kalkhawmte kumthar chibai bukna a nei hmasa a. Draft E/Roll tlangzarh theih a ni chu lawmawm a tih thu tarlangin E/roll-te a lo thianghlim a a lo felfai zawk theih nan Party tin leh NGO- te nen tanrual a thawhho a pawimawh tak zet a ni, a ti. MLA inthlanpui zawh takah thawhhona tha tak a awm tih sawiin MP inthlanpui atan pawh thawhhona tha a awm leh ngei a beisei tih a sawi. 39- Saiha (ST) Constituency hnuaiah Polling Station-37 leh 40-Palak (ST) Constituency-ah Polling Station- 44 a awm mek thu a sawi a. Final Electoral Roll chu February ni 8, 2024 ah tlangzarh anih tur thu a tarlang bawk.

Pu Vanlalchhuanliana, Election Officer chuan report pein Draft E/Roll tlangzarh takah hian 39-Saiha (ST) A/C hnuaiah mipa voter-11530 leh hmeichhia voter-12601, a vaiin voter-24131 an awm a. 40-Palak (ST) A/C- hnuaiah mipa voter- 10079 leh hmeichhia voter-10275 an vaiin voter-20354 awm in, Siaha District pumpuiah mipa voter-21609 leh hmeichhia voter-22876, a vaiin voter-44485 an awm mek tih a tarlang a. Draft E/Roll tlangzarh atanga Claims & Objections siam duh te chuan Form hman tur dik tak hmangin 22nd January, 2024 thlengin ERO emaw BLO hnenah an thehlut thei a ni, a ti.

Vawiin Draft E/Roll tlangzarh tak hi Political party aiawh lo kalkhawmte hnenah Copy khat theuh (Hard leh Soft copy) chu Pu Lalhmunsanga Hnamte District Election Officer chuan a hlan nghal a ni.