4071/2023-2024

Dated Siaha 7th March 2024: Vawiin chawhnu khan Pu Lalhmunsanga Hnamte, District Election Officer, kaihruaiin MP Election -lo awm tura Candidate- ten Siaha District chhunga an sum senso lo enfel leh ziahfelna tur 'Rate Chart' enho leh siamrem ngai siamremna chu DC Mini Conference Room-ah neih a ni.

Pu Lalhmunsanga Hnamte chuan thutkhawm chhan sawifiahna a nei hmasa a, MP Election lo awm turah ' Candidate' te sum senso chu uluk leh felfai taka lo chhinchhiah a tul a ni, a ti a. Election Commission of India- in sum senso a phal aia tam Candidate ten an seng em tih leh sum leh pai engzat chiah nge an senral tih lo hriatsakna turin 'Item' hrang hrangah a man ( rate) lo siamfel tur tih a nih angin siamfel tura hmalak a ni, a ti.

Thil chi hrang hrangah a man ( rate) siamsa hmang hian Candidate- te sum senral chu lo chhinchhiah a ni dawn tih sawiin Pu Lalhmunsanga Hnamte chuan hei hian sum leh pai uchuak taka hman thin chu a veng dawn a, inthlanna felfai leh thianghlim tak a awm thei dawn a ni, a ti a. Political party hrang hrang aiawh lokalte pawh 'Rate' felfai taka siam chu uluk taka lo chhiar tur leh a taka hmannna kawngah puihtu ni turin a sawm bawk.

Pu Vanlalchhuanliana, Election Officer chuan nikum MLA inthlanpui a 'Rate Chart' hman chu tarlanna leh sawifiahna a nei a. Siamrem ngai awm ang angte chu lungrual taka siamrem leh pawm nghal a ni.

Vawiin thutkhawmah hian Political Party hrang hrang aiawh bakah President, Chamber of Commerce, Siaha Dostrict leh 'Proprietor' hrang hrangte an tel a ni.