4070/2023-2024

Dated Serchhip, the 7th March, 2024: Kumin Lok Sabha Inthlanpui lo awm tur atan Serchhip District-ah inpuahchahna a kal mek zel a.  Candidate leh political party ten Serchhip chhunga an hman tur Advertisement Rate chungchang sawihoin vawiin khan District Level Media Certification and Monitoring Committee (MCMC) chu an Chairman Serchhip DC Pu David Lalthantluanga hovin Serchhip DC Meeting Hall-ah an thukhawm.

District Level MCMC meeting-ah hian MP Election neihchhunga MCMC tih tur leh mawhphurhnate sawiho a ni a.  Election Commission of India (ECI) inkaihhruaina angin social media, electronic media leh print media-a election kaihhnawih advertisement chhuah chungchanga thu pawimawhte sawiho niin Serchhip District chhunga hman tur rate te bithliah fel a ni. MCMC hian Model Code of Conduct hman chhung zawngin Serchhip District  huamchhungah media kaltlanga dan bawhchhiatna a awm em tih a chhuiin a vil thin dawn a ni.

Meeting ah hian District Level Media Certification and Monitoring Committee member te- Additional DC Pu James Lalnithanga, SDO (Sadar) MJA aiawh leh District Information & Public Relations Officer te an tel a ni.