MP (LS) inthlanpuia Kolasib District a Duty tur te chu vawiin khan Kolasib DC Office kawt atangin inthlan kaihhnawih bungrua te nen an kal chhhuak.

MP Inthlan lo awm tur ah hian Kolasib District a Voters 58,549 (hmeichhia 28,496 leh mipa 30,093) te chuan Polling Station (PS) 85 ah vote an thlak anga, Kolasib District ah Polling Station 82 awm in kanhmun (Mamit District) ah polling Station 3 a awm a ni. Heng Polling Station 85 vil tur hian Sector Officer  17 leh polling Officials 510 vel ruat an ni a, heng PS 85 ah te hian ballot Unit 119, Control Unit 124 leh VVPAT 117 te hman an ni ang. Polling Station 85 atang hian PS 8 (Saidan, New Diakkawn ‘W’, Salem veng, Project veng, Bualpui, Electric Veng, Rengtekawn leh Tumpui-1)chu hmeichhia chauh duty na hmun Dingdi Polling Station tura ruahman a ni a, intlar buai ngai lova vote thlak theihna tur Queueless Polling Station 3 (Saidan, electric veng leh project Veng) ruahman bawk a ni. Inthlan buaipui tu tur te vei vah vel nan hian Maxi Cab 48, Medium Bus 9, Mini bus 3, gypsy 3, Pick Up 4 leh Camper pik-up 2 te hman an ni a polling Officials te hian mahni Polling Station theuh panin zanin ah an riahchilh anga, naktuk zing dar 7 atangin MP (LS) thlang turin mipui ten Vote an thlak tan dawn a ni.