Vawiin hian Pu Chuauhnuna, Dy. District Election Officer hovin DC Conference Hall, Serchhipah MP Election 2019 a Serchhip District chhung Assembly Constituency pathuma duty tur Sector Officer, Sector Police Officer leh Sector Magistrate te tan training hnuhnung neih a ni.

Pu Vanrengpuia, SDO (Sadar) Serchhip chuan Sector Officer leh Sector Magistrate hriattur pawimawh hrang hrang hrilhhriatna a nei a, an duty na huamchhunga Polling Party tinte  enkawl dan turte, Report pek dan turte, inthlanna  hmanrua  EVM leh VVPAT  a harsatna awm thei hrang hrangte chinfel dan tur leh report dan turte a zirtir a. Pu Vanlalhmachhuana, Election Officer, Serchhip District chuan an tih tur leh tih loh turte leh an hriattur pawimawhte a sawi bawk a ni.

Vawiin vek khan Serchhip District Election Office tualah inthlanna buaipuitu tur Polling Party ten inthlanna hmanrua (Polling Materials) an ken turte pek chhuah a ni a, enfel ngaite en felin an in chingfel a, naktuk hian District Election Office atangin EVM leh VVPAT te an la chhuak leh ang a, an duty na tur theuh panin an chhuak tawh dawn a ni.