839/2022-2023
Aizawl the 9th June, 2022 : MP (LS) Pu C Lalrosanga chuan vawiin khan DDK Aizawl tlawhin Programme, Engineering leh Administrative staff te an hnathawhna chungchang a sawipui a. Hnathawktu indaihlohna karah pawh mipui rawngbawl hna theihtawpa thawk zel turin a fuih a, programme tharte pawh siam zel turin a fuih a ni.

MP (LS) Pu C. Lalrosanga chuan DDK programme-te antenna hmanga man theihna tihtawp a nih thuah Mizoram chhunga hmun kilkhawr zawk leh ramri hrul hmunahte an programme man theih tura siam nise a ti a. Mizoram pawna thlirtu tam zawkte pawhin DTH leh cable hmanga Doordarshan Mizo programme an lo thlir theihna tura hma lak thar a tul thu a sawi. Pu C. Lalrosanga hian DDK hnathawkte harsatna leh mamawhte ngaihthlaksakin an hotute hnena thlen sak a tum thu a sawi bawk.

DDK Aizawl chuan an Director hlui leh an Director General hlui Pu C. Lalrosanga chu amah biangbiakna (interview) an record nghal bawk a ni.

Attachment

  • Loading attachment...