Vawiin khan Minor Irrigation Department Staff Welfare Association of Mizoram (MISWAM) chuan Tourism Department Auditorium, Berawtlang-ah 5th General Body Meeting an hmang a; Pu C.L.Ruala, MP (Lok Sabha) Khuallian niin Pu Rajiv Kumar Gupta, Commissioner & Secretary chu Khualzahawm a ni.

Khuallian Pu C.L.Ruala chuan Mizoram Agriculture Minister a nih laia minor irrigation project lo siam tawh, kum 20 hnua Estimate Committee ten an en pawha leilet neitute tana malsawmna a la ni zel thei chu lawmawm a tih thu a sawi a; hnathawh tha leh tlo hi Mizoram-in a mamawh ebr a ni, a ti. Minor Irrigation hmachhawp, JICA (Japan International Cooperation Agency) puihnaa department hrang hrang thawhhona tur leh Mizoramin ei leh bara intodelhna atana hmalak tumna te, Minor Irrigation Department-in bul a tan mek, hydro-meteorological data rintlak neih theihna tur National Hydrology Project kalpui mek te chu a lawmawm a tih thu a sawi a, kalkhawmte chu rinawmna leh taimakna nen midangte tana malsawmna ni zel turin a fuih.