Vawiin Dt 9th June 2016 hian Pu Ronald Sapa Tlau, Member of Parliament (Rajya Sabha) Model Village Chhiahtlang khuaah Enviroment, Forest & Climate Changes Department, Thenzawl Division hnuaia Serchhip Forest Range Officer chuan Chhiahtlang khaw chhung cheimawina tur leh boruak thianghlim pe chhuak tur atan Thingtiak chi hrang hrang 13,100 an sem chhuak.

Vawiina thingtiak semchhuah hi a thawhkhatna niin Serchhip Range Officer V. Zaithanzuala kaihhruaia neih a ni a, Chhiahtlang khaw hruaitute leh tlawmngai pawlten an duhna hmunah heng thingte hi vawiin atang hian an phun nghal dawn a ni.

Thing tiak an semte chu; Thingrai (Pollypotted Seeding) 10,000, Zawngtah,Tahlim (Pollypotted Seeding) 3,000 leh Asoka Tree (Pollypotted Seeding ) 100, a vaiin 13,100 an ni.