1514/2022-2023

Aizawl, 9th August, 2022 : Nimin chhun khan Mizoram Rajya Sabha MP Pu K.Vanlalvena chuan India President thar Pi Droupadi Murmu chu a office chamberah hmuin Mizoram mamawh thil thenkhat te President hnenah hian țawngka leh ziakin a thlen a.

India independence hnu kum 75 na leh Mizoram-in state a hmuhna kum 35 hnuah pawh Mizoram chu India rama ziak leh chhiar thiam percentage sang tak nei tu a ni chungin Union Public Service Commission member pakhat mah Mizote zingah ruat an la nih ve ngai loh thu leh tunah hian post pathum ruak mêk a awm thu te sawiin he post ruakah hian Mizo pakhat tal dah ve turin India President hnenah hian  ziak leh tawng kain a thlen a. National Commission for Schedule Tribe Chairman post leh member post pawh a ruah mek thu leh heng post ruak te hi Tribal kan nih ve avang pawhin Mizo ten luah ve kan phua a hriat thu Pu Vena chuan President hnenah hian a sawi bawk a ni.

India independence atanga kum 75 ral hnuah pawh Mizo te zinga pakhatmah Governor atana ruat an la awm loh thu Pu K.Vanlalvena chuan India President hnenah hian a thlen bawk a. Chutih laiin kum rei lo te  chhungin Governor tamtak Mizoramah an rawn dah tawh lawi si hi Mizo mipuite rilruah Governor ngaihhlutna a tih hniamtir thei a ni, a ti a.

India President Pi Droupadi chuan Pu Vena thu thlente chu India Prime Minister hnenah thlena sawi pui ngei a tum thu a hrilh a ni.

Pu Vena hian  President hnenah hian Mizo puan a hlân a ni

Attachment

  • Loading attachment...