Kolasib District Standing Committee on Election chu Asst. Returning Officer, D.C. Pu Dawngliana hovin vawiin khan D.C. Conference Hall-ah an thukhawm a. MP inthlan atana inbuatsaihna kimchang an sawiho.
Kolasib-ah hian kawng hrang hrangah inbuatsaihna hmachhawn turin inpeih fel tawh a ni a. Assembly Constituency pathuma polling station 76 a mipuiten boruak muanawm tak hnuaia vote an thlak theihna turin venhimna lam security pawh ruahman fel tawh a ni a. Sensitive polling station 5, Saipum a polling station pahnih, Saiphai, Saihapui V leh Phainuam te chu venhimna rip lehzual pek tura tih an niin electric, tui leh kawng harsa tihthat hna pawh thawh tawh a ni.
Kolasib D.C. Pu Dawngliana, ARO chuan Kolasib District chu kawng leh inbiakpawhna lamah te Zoram hmun thenkhat aia a awlsam avangin kan vannei hle a ni, a ti a. Tun tum MP inthlanna chu tluang taka neih a duh thu sawiin, India ramin zalenna a hmuh atanga democracy vawng nunga sawrkarna a kal chho thin chu chhuanawm a tih thu leh tun tumah pawh ram pumah sawrkarna ngelnghet siam ngei a duh thu a sawi a ni.
Kolasib District-ah hian vote nei mi 47,157 an awm a, 459 chu service voter an ni. EPIC nei mi 42107 awmin nei lo 4591 an awm. Inthlanna atana training tul angte chu zawh thawkhat tawh a ni a, 13.4.2009 hian final briefing pek a ni ang. Inthlan atana thu hriattur engkim puanzar na hmun Media Center D.C. Office ah hawng tawhin Phone No. 222181ah biak theih a ni, Control Room pawh dahin Tuirial, Kolasib leh Serlui A/C te chu phone line hranga thlun pawh vek an ni bawk.
Polling party chhuak hmasa tur, polling station 14 a duty turte chu 14.4.2009 ah an feh chhuak ang a. Polling party 26 te chu 15.4.2009 ah an chhuak ang.
Vote tla tehi Revenue Office-ah chhiar leh an ni dawn a. EVM hman tur pawh randomize hnuah seal that a, strong room-ah kalhhnan tlat an ni tawh bawk a ni.
Kolasib D.C. Pu Dawngliana, ARO chuan Kolasib District chu kawng leh inbiakpawhna lamah te Zoram hmun thenkhat aia a awlsam avangin kan vannei hle a ni, a ti a. Tun tum MP inthlanna chu tluang taka neih a duh thu sawiin, India ramin zalenna a hmuh atanga democracy vawng nunga sawrkarna a kal chho thin chu chhuanawm a tih thu leh tun tumah pawh ram pumah sawrkarna ngelnghet siam ngei a duh thu a sawi a ni.
Kolasib District-ah hian vote nei mi 47,157 an awm a, 459 chu service voter an ni. EPIC nei mi 42107 awmin nei lo 4591 an awm. Inthlanna atana training tul angte chu zawh thawkhat tawh a ni a, 13.4.2009 hian final briefing pek a ni ang. Inthlan atana thu hriattur engkim puanzar na hmun Media Center D.C. Office ah hawng tawhin Phone No. 222181ah biak theih a ni, Control Room pawh dahin Tuirial, Kolasib leh Serlui A/C te chu phone line hranga thlun pawh vek an ni bawk.
Polling party chhuak hmasa tur, polling station 14 a duty turte chu 14.4.2009 ah an feh chhuak ang a. Polling party 26 te chu 15.4.2009 ah an chhuak ang.
Vote tla tehi Revenue Office-ah chhiar leh an ni dawn a. EVM hman tur pawh randomize hnuah seal that a, strong room-ah kalhhnan tlat an ni tawh bawk a ni.
