Vawiin khan Health Minister Office-ah National AIDS Control Society (NACO) hotu Delhi atanga lokal te, Guwahati lam hotute leh Mizoram State AIDS Control Society (MSACS), UNODC, LPS Vision, AIR, I & PR leh NSS hotuten Mizoram thalaite zinga HIV/AIDS chungchang inzirtirna leh darh zel tur venna atan rimawi leh infiam lama hmalak dan tur ngaihtuahin inkawm khawmna an nei.

He hunah hian Health Minister Pu Lalrinliana Sailo chuan AIDS leh Cancer natna do turin theih tawp chhuah a in huam thu leh a theih ang anga hmalak leh hna thawh a in peih reng thu a sawi a. NACO Joint Director (IEC) Pu Mayank Agrawal chuan Mizoram in HIV/AIDS dona kawnga hna an thawhna ah fakawm a tiin, hetiang programme tha tak thalaite tan a duah anih chu lawmawm a ti a, ruahmanna awm ang te tihhlawhtlin ngei NACO in a tum thu a sawi. Dr. Rochana Mitra, Team Leader, NACO-NERO Guwahati chuan Mizo thalaite zingah zai leh infiamna hmanga HIV/AIDS dona leh inzirtirna pek hi thil finthlak leh tih awm tak a ni a ti bawk