40-Palak (ST) A.C. atanga ruat, 39-Saiha(ST)A.C. biala election duty tur Presiding Officer leh First, Second leh Third Polling Officer te tan vawiin chawhma dar 10:30 atang khan Saiha DC Conference Hall ah Election Training Second Phase (Final Training) neih a ni a. Training hi Addl. D.C. Pu Zorammuana’n kaihruaiin Election Officer Pu H.Lalhmingthanga, ADC(P) Pi Marilyn Rualzakhumthangi leh DRO Pu K.Thankhuma ten an hriat tur tul hrang hrangte an zirtir a ni. Training hi Election Commission duh dan angin Examination zulzuia kalpui a ni a, chawhnu lamah a tak taka inthlan an buaipui dan tur - form chi hrang hrang ziahfel te, EVM buatsaih dan, etc. te an tihtir vek dawn a ni. Training ah hian officials mi 120 an kal a ni.

 

 

   
Nimin ni 8/4/09 khan EVM Randomization 2nd Stage neih a ni a, inthlannaa hman theih tura EVM buatsaih fel (commissioning) pawh Election Observer Pu Ivan Jyrwa leh Political Party aiawhte nen neih a ni nghal bawk.
    
Ni 13/4/09 ah khian Palak biala duty turte an duty-na hmun tur tihchian a ni ang a, inthlannaa hmanrua tul hrang hrang te pekchhuah a ni nghal ang. Saiha biala duty turte ni 14/4/09 ah tihchian a ni ve thung ang a, ni 14/4/09 ah khian Polling Officials duty tur First Batch an chhuak ang a, ni 15/4/09 ah Second Batch an chhuak zui ve bawk ang. Inthlanna ah hian motor 70 vel mamawh tura ruahman a ni a, tunah hian requisitioning tih mek a ni. Motor man te hi naktuk ni 10/4/09 ah District Playground ah inreport vek tura hriattir an ni bawk.
    
Saiha District tana Election Observer chu Pu Ivan Jyrwa a ni a, Lorraine Ville, Circuit House ah innghatin inthlan chungchanga be duh te tan heng number ah te hian biak theih a ni :-
Telephone    :    (03835)225060
Mobile        :    96123280959
    
Inthlan chungchanga hriat duh nei leh zawh duh nei apiangte dawr theih turin Media Centre pawh I&PRO Nodal Officer hovin din a ni ve ta bawk.