4334/2024-2025

Dated Aizawl: the 19 February 2025: Vawin khan Planning & Programme Implementation Department chuan Mizoram chhunga hmasawnna hnathawh tur projects/ schemes hrang hrang submit na tur Mizo Plan Analytics, Software (MPLAN) chungchang workshop chu P&PID Conference Hall-ah a buatsaih a, he hun hi Pu Lalmalsawma Pachuau, Secretary, P&PID chuan a hmanpui.

Workshop hi Mizoram Sorkar Department hrang hrang Nodal Officers te tana buatsaih niin, MPLAN HI Financial Year thar aţangin hman ţan tawh tur a ni ang a, Department-te pawhin, project/ scheme thar an neihte chu he software/portal-ah hian  upload zel tawhin, monitoring pawh hemi kaltlang tho hian  tih vek tawh tur a ni Dawn a. Hei bakah hian, software in a ken tel Dashboard hmangin Chief Minister leh  Minister dang ten ramchhunga hmasawnaa hnathawh hrang hrangte chu an endik thei tawh dawn bawk a ni.

MPLAN software hi NITI Aayog hnuaia sum hmuh atanga duan  niin,  Mizoram chhunga hmasawnna hnathawh hrang hrangte awlsam leh kimchang taka en mai theihna tur te, project hrang hrang tha lehzual samkhai zawka thlan a nih theih nan leh record tha zawk neih theihna  atan tea buatsaih  a ni.