4335/2024-2025

Siaha the 19th February 2024: Vawiin chawhma dar 11:00 khan Siaha District Bawrhsap Pu VL Hruaizela Khiangte kaihruaina hnuaiah kumin Republic Day celebration review meeting chu DC Mini Conference Hall-ah neih a ni.

Vawiin thutkhawmah hian kumin Republic Day hman zawh taka chanvo leh mawhphurhna nei te chetvelna thlirho a ni a, hmasawnna tur awm te sawiho nghal a ni. Republic Day lawm nan sawrkar atanga sum dawn a awm loh avangin Department hrang hrang sum thawhkhawm (contribution) hmanga lawm a ni a, a lawmna atana estimated expenditure hi Rs 4,92,000/- niin contribution tling khawm chu Rs 4,52,000/- a ni.

District Bawrhsap Pu VL Hruaizela Khiangte chuan kum dangah sum leh pai lama indaihlohna nasa tak a awm thin laia kuminah hlawhtling taka Republic Day lawmna hman theih a ni chu department-te thawhhona zar a ni a ti a, a lawmawm hle a ti.

Vawiin meeting-ah hian Republic Day Organising Committee member-te an kalkhawm a ni.